លោក សាប់ យឿន ប្រធានស្នាក់ការច្រកអន្តរជាតិជាំ កំពុងតែឃុបឃិតមួយឈ្មួញ ក្នុងការបើកដៃឲ្យនាំផ្តៅសោម ឆ្លងដែនទៅប្រជាទេសថៃ។ ដោយគេកំពុងដាក់ការសង្ស័យថា លោក សាប់ យឿន កំពុងប្រព្រឹត្តអំពីពុករលួយជាមួយឈ្មួញ ដែលសង្ស័យមានលាបសក្ការៈ ទើបហ៊ានបើកភ្លើងខៀវឲ្យឈ្មួញ នាំផ្តៅសោម ឆ្លងដែនទៅប្រទេសថៃ ។
ការដឹកជញ្ជូន ផ្តៅសោម ឆ្លងដែនទៅប្រទេសថៃ បើសិនជាគ្មានការឃុបឃិតពីសំណាក់លោកសាប់ យឿន នោះទេ ចំពោះអនុផលព្រៃឈើប្រភេទផ្តៅសោមនេះ ក៏ឈ្មួញមិនអាចដឹកជញ្ជូនតាមរថយន្តចូលប្រទេសថៃបាននោះដែរ។ ជាក់ស្ដែងកាលពីថ្ងៃទី១៤ ខែកញ្ញា ឆ្នាំ២០២២នេះ សកម្មភាពរថយន្តបានដឹកផ្តៅសោម ចូលទៅថៃ ដោយឆ្លងដែនកាត់ច្រកអន្តរជាតិជាំ ដែលក្រោមការគ្រប់គ្រងរបស់លោក សាប់ យឿន ។
រថយន្តដែលដឹកផ្តៅសោម ធ្វើចរាចរណ៍ឆ្លងដែនចូលទៅថៃ ដោយគេសង្ស័យថា មានការឃុបឃិតគ្នាជាលក្ខណៈប្រព័ន្ធ ដោយយោងតាមប្រភពព័ត៌មានបានឲ្យដឹងថា អ្នករត់ការជាមួយសមត្ថកិច្ចជំនាញ និងមន្ត្រីដែលពាក់ព័ន្ធនៅមាត់ច្រកអន្តរជាតិជាំ គឺមានខ្សែរជាមន្ត្រីរាជការផង។ ហើយសេចក្តីរាយការណ៍មកថា ឈ្មួញដឹកផ្តៅសោម ឈ្មោះ សឿន ដែលជាមុខសញ្ញាធ្វើសកម្មភាពដឹកជញ្ជូនផ្តៅ ឆ្លងដែនចូលទៅថៃ។
