កំពង់ស្ពឺ÷ នៅថ្ងៃទី ១៧ខែ តុលា ឆ្នាំ២០២៣ កាកបាទក្រហមកម្ពុជា មានកម្មវិធី ចែកអំណោយមនុស្សធម៌ ជូនប្រជាពលរដ្ឋរងគ្រោះដោយជំនន់ទឹកភ្លៀងចំនួន ២៧៧គ្រួសារ។ ពិធីចែកអំណោយមនុស្សធម៌នាវេលាព្រឹកនេះដែរ មានចំនួនពីរទីតាំង÷ ទីតាំងទី១ ចំនួន ១៥០គ្រួសារ ស្ថិតនៅវត្តអង្គរោង ក្នុងភូមិអង្គរោង ឃុំមហាឬស្សី ស្រុកគងពិសី ក្រោមអធិបតីភាពឯកឧត្តម យូ ឡាណា អគ្គលេខាធិការរងទី២ កាកបាទក្រហមកម្ពុជា តំណាងដ៌ខ្ពង់ខ្ពស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងឯកឧត្តម វ៉ី សំណាង អភិបាលនៃគណៈអភិបាលខេត្តប្រធានគណៈកម្មាធិការសាខាកាកបាទក្រហមកម្ពុជា។
ទីតាំងទី២. ក្រោមអធិបតីភាព ឯកឧត្តមវេជ្ជ. អ៊ុយ សំអាត នាយក នាយកដ្ឋានគ្រោះមហន្តរាយកាកបាទក្រហមកម្ពុជា ក្នុងពិធីចែកអំណោយមនុស្សធម៌នាពេលនោះដែរ ឯកឧត្តមបានពាំនាំប្រសាសន៍ផ្ដាំផ្ញើ និងសាកសួរសុខទុក្ខពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងកោតសរសើរចំពោះ ថ្នាក់ដឹកនាំ ក្រុមប្រតិបត្តិសាខា-អនុសាខាខេត្តកំពង់ស្ពឺ និងអាជ្ញាធរគ្រប់លំដាប់ថ្នាក់ដែលបានអនុវត្តនូវអនុសាសន៍របស់សម្តេចកិត្តិព្រឹទ្ធបណ្ឌិតប្រធាន ក្នុងការគិតគូរពីជីវភាពរស់នៅ និងសុខភាពរបស់បងប្អូនពុក ម៉ែ មា មីង លោកយាយ លោកតា ទាំងអស់ និងបានជួយសម្រាលការលំបាកដល់ប្រជាពលរដ្ឋងាយរងគ្រោះផងដែរ។
ឆ្លៀតក្នុងឱកាសនោះដែរ ឯកឧត្តមវេជ្ជ. អ៊ុយ សំអាត បានបន្តថា “ក្រោយពីខ្ញុំបានទទួលរបាយការណ៍ពីសាខានៅពេលថ្មីនេះមានគ្រោះធម្មជាតិដោយជំនន់ទឹកភ្លៀងដែលបង្កឲ្យមានផលប៉ះពាល់ដល់ជីវភាពប្រចាំថ្ងៃ ផ្ទះសម្បែង ស្រែចំការ របស់បងប្អូនប្រជាពលរដ្ឋ និងស្របតាមអនុសាសន៍របស់សម្តេចកិត្តិព្រឹទ្ធបណ្ឌិតប្រធាន។ សូមអាជ្ញាធរ និងសាខា អនុស្សាទាំងអស់ តាមដានឲ្យបានម៉ត់ចត់ ចំពោះប្រជាពលរដ្ឋដែលរងគ្រោះធម្មជាតិនៅក្នុងរដូវភ្លៀងធ្លាក់យ៉ាងកំហុករយៈពេលប៉ុន្មានថ្ងៃកន្លងមកនេះ។
គូបញ្ជាក់ផងដែរថា÷
ព្រឹកថ្ងៃទី១៦ ខែតុលា ឆ្នាំ២០២៣ ករណីទឹកជនប៉ះពាល់ខ្នង់ផ្ទះប្រជាពលរដ្ឋសរុបចំនួន ៣៩៧ គ្រួសារ លើ៨ ភូមិ ក្នុង៣ឃុំ (ឃុំស្នំក្រពើ ៤ ភូមិ មហាឫស្សី ២ភូមិ និងព្រៃវិហារ ២ភូមិ) ។
– ឃុំមហាឫស្សី= ២ភូមិ ចំនួន ១៥០ គ្រួសារ (រងគ្រោះធ្ងន់៣៣គ្រួសារ មធ្យម ១០៧ ស្រាល២០ ) ។
– ឃុំព្រៃវិហារ = ២ភូមិ ចំនួន៨៦ គ្រួសាររងគ្រោះមធ្យម។
– និងឃុំស្នំក្រពើ = ៤ភូមិ ចំនួន១៦១ គ្រួសារ(រងគ្រោះធ្ងន់ ១០៣គ្រួសារ មធ្យម ៣៩គ្រួសារ ស្រាល ១៩គ្រួសារ)។
=>ភូមិដែលកំពុងតែរងផលប៉ះពាល់ខ្លាំងគឺភូមិព្រៃនូក ឃុំស្នំក្រពើ ដែលមានប្រជាពលរដ្ឋ ១១៩គ្រួសារ ខ្នងផ្ទះចំនួន៩៧ផ្ទះ មនុស្សចំនួន៥១១ នាក់ ។ អ្នកដែលជម្លៀលចេញ ចាស់ជរា និងមានកូនតូច ចំនួន ១៩ នាក់ ២ទីតាំង, ទីតាំងទី១ វត្តបុទុមវន្តហៅក្រាំងក្រូច ឃុំស្នំក្រពើ ១៧ នាក់ និងទីតាំងទី២ មន្ទីរពេទ្យបង្អែកស្រុកគងពិសី ៣ នាក់(ចាស់និងមានជំងឺប្រចាំកាយ)។
កាកបាទក្រហមកម្ពុជា បាននាំយកអំណោយសង្គ្រោះបឋមរួមមាន: អង្ករ ,មី ,ត្រីខ ,ទឹកត្រី ,ឃីត និង ថវិកា មួយចំនួនមកប្រគល់ជូនដល់ដៃប្រជាជនដែលរងគ្រោះដោយទឹកជំនន់។ សូមគោរពជូនពរ សម្ដេច សូមមានសុខភាពល្អបរិបូណ៌ កាយពលមាំមួន កម្លាំងខ្លាំងក្លា ប្រាជ្ញាឈ្លាសវៃ ដើម្បីបន្តរួមចំណែកដឹកនាំប្រទេសជាតិឲ្យមានការអភិវឌ្ឍន៍រីកចម្រើនជាងនេះជាបន្តទៅទៀត ផងដែរ៕ដោយអ្នកស្រីត្រេន ស្រីមុំ
