(ខេត្តឧត្តរមានជ័យ) ៖ ទីតាំងម៉ាស្សាមួយកន្លែងដែលមានផ្លាកយីហោអាម៉ីម៉ាស្សានៅចំណុចលូបីស្ថិតភូមិអភិវឌ្ឍន៍ឃុំអន្លង់វែងស្រុកអន្លង់វែងខេត្តឧត្តរមានជ័យកំពុងបើកដំណើរការអាជីវកម្មបម្រើសេវាផ្លូវភេទយ៉ាងអនាធិបតេយ្យរីឯសមត្ថកិច្ចជំនាញមិនទាន់ធ្វើការបង្ក្រាបចំណែកលោកវីរៈសេនីយ៍ឯកស៊ូនូវអធិការនគរបាលស្រុកអន្លង់វែងឆ្លើយថាករណីនេះលោកមិនទាន់បានដឹងរឿងនៅឡើយទេ។
សេចក្តីរាយការណ៍នៅថ្ងៃទី ២២ ខែកុម្ភៈឆ្នាំ ២០២៤បានឲ្យដឹងថាទីតាំងម៉ាស្សាមានផ្លាកយីហោអាម៉ីម៉ាស្សាខាងលើនេះបានបង្កប់នៅសេវាបម្រើផ្លូវភេទជាច្រើនឆ្នាំមកហើយគេមិនដែលឃើញមានសមត្ថកិច្ចជំនាញណាម្នាក់ហ៊ានចេញមុខបង្ក្រាបនោះឡើយ។
ប្រភពរាយការណ៍ដ៏ដែលនោះបានបន្តថាឱ្យតែដល់ពេលរាត្រីគេឃើញនារីស្រស់ស្អាតក្មេងខ្ចីខ្លះបើមើលពីសបកក្រៅទំនងជាមិនគ្រប់អាយុផងក៏មិនដឹងជាច្រើននាក់អង្គុយតម្រង់ជួរគ្នាចាំទទួលភ្ញៀវដែលមករកសេវាផ្លូវភេទ។ប្រភពបន្ថែមថាសម្រាប់ភ្ញៀវដែលចូលទៅដល់នារីទាំងនោះតែងសួរថាម៉ាស្សាឬក៏វ៉ៃសិច?បើរកសេវាផ្លូវភេទតម្រូវឲ្យបង់លុយមុនចំនួនបួនម៉ឺនរៀល(៤០០០០៛)បើម៉ាស្សាត្រូវចំណាយលុយបន្ថែមពីម៉ឺនរៀលទៀត(២០០០០៛)សម្រាប់ភ្ញៀវម្នាក់។
ពលរដ្ឋរស់នៅស្រុកអន្លង់វែងបានលើកឡើងនិងរិះគន់ថាបញ្ហារឿងនេះសួរតែអ្នករត់ម៉ូតូឌុបជាពិសេសប្រុសៗដែលចូលចិត្តការសប្បាយពេលរាត្រីក៏ដឹងដែរតែមូលហេតុអ្វីលោកអធិការស្រុកបែរជានិយាយថាមិនបានដឹងរឿងក្នុងនាមលោកជាមន្ត្រីអនុវត្តច្បាប់នៅក្នុងដែនសមត្ថកិច្ចរបស់ខ្លួនតែជាមើលរំលងបទល្មើសពេស្យាចារ្យកំពុងបើកដំណើរការយ៉ាងគឃ្លើនបែបនេះ។ ដែលសកម្មភាពនេះនាំឱ្យបាត់បង់សណ្តាប់ធ្នាប់ប៉ះពាល់ប្រពៃណីនិងទំនៀមទម្លាប់ល្អក្នុងសង្គមជាតិខ្មែរ។
ហេតុដូច្នេះពលរដ្ឋសូមសំណូមពរទៅលោកឧត្តមសេនីយ៍ទោហួតសុធីស្នងការនគរបាលខេត្តឧត្តរមានជ័យមេត្តាបង្ក្រាបទីតាំងពេស្យាចារ្យខាងលើនេះផងទាន!និងបើកការស៊ើបអង្កេតចំពោះមន្ត្រីដែលជាប់ពាក់ព័ន្ធចំពោះអាជីវកម្មនេះផងដែរដោយស្របតាមអភិក្រមទាំងប្រាំរបស់សម្ដេចតេជោដែលបានដាក់ចុះមកសម្រាប់អោយមន្ត្រីរដ្ឋទាំងឡាយអនុវត្ត៕
ជុំវិញករណីខាងលើលោកវរះសេនីយ៍ឯកស៊ូនូវអធិការនគរបាលស្រុកអន្លង់វែងបានឲ្យក្រុមការងារយើងដឹងនៅព្រឹកថ្ងៃទី ២២ ខែកុម្ភៈឆ្នាំ ២០២៤នេះថា ចំពោះទីតាំងខាងលើលោកមិនទាន់បានដឹងនៅឡើយទេ!លោកនិងចាត់មន្ត្រីជំនាញឲ្យទៅត្រួតពិនិត្យតាំងម៉ាស្សាមួយនេះ៕
