ខេត្តឧត្តរមានជ័យ ៖ នៅរសៀលថ្ងៃទី២៨ខែមករាឆ្នាំ២០២១នេះ លោកឧត្តមសេនីយ៍ត្រីផៃ សុផាតមេប
ញ្ជាការរងនិងជានាយសេនាធិការកងពលតូចលេខ៤១បានបដិសេធថាចំពោះរឿងលោកមាន សុភ័ក្រម
ន្ត្រីយោធាក្រោមឱវាទយកគ្រឿងចក្រ(អេះស្កាវទ័រ)ទៅឈូសបំផ្លាញដំណាំដើមស្វាយលោកប៉ាន់ សាមមេភូមិពពេលសែនជ័យនោះ គឺគេ(មានសុភ័ក្រ)ធ្វើដោយចិត្តខ្លួនឯង ខាងឯកឧត្តមមេបញ្ជាការមិនបានចេញបញ្ជាឡើ
យ។
លោកបានទទួលស្គាល់ថា(ឧត្តមសេនីយ៍ផៃសុផាត)កាលពីថ្ងៃទី២៥ខែមករាឆ្នាំ២០២១កន្លងទៅលោកបានបញ្ជាឈ្មោះទូចវឿងដឹកនាំក្រុមការងានិងសហការជាមួយជំនាញស្រុកដើម្បីត្រាសសេធ្វើផ្លូវទៅតាមគំនូសប្លង់ដីអភិវឌ្ឍន៍គ្រួសារកងទ័ពស្ថិតនៅភូមិពពេលសែនជ័យឃុំផ្អាវស្រុកត្រពាំប្រាសាទខេត្តឧត្តរមានជ័យ តែមិនបានបញ្ជាឈ្មោះមាន សុភ័ក្រអោយទៅឈូសឆាយផលដំណាំរបស់លោកប៉ាន់សាមក៏ដូចជាពលរដ្ឋផងដែរ។
លោកឧត្តមសេនីយ៍បានសង្កត់ធ្ងន់ៗថារឿងឈូសឆាយផលដំណាំរបស់គេគឺជារឿងជាប់គុកជាប់ច្រវ៉ាក់អោយលោកមានសុភ័ក្រទទួលខុសត្រូវខ្លួនឯងទៅ ។ លោកបន្តថា ជាគោលការអង្គភាពក្នុងការអភិវឌ្ឍន៍គ្រួសារកងទ័ពប្រសិនបើមានផលប៉ះពាល់ពលរដ្ឋក៏ដូចជាគ្រួសារយោធានោះត្រូវផ្អាកនិងដោះស្រាយសិនទើបធ្វើបន្ត មិនមែនទៅបំផ្លាញផលដំណាំគេដូចលោកមានសុភ័ក្រចឹងទេ ។
តែយ៉ាងណាក៏ដោយលោកមាន សុភ័ក្របានអោយក្រុមការងារយើងដឹងតាមទូរស័ព្ទនៅព្រឹកថ្ងៃទី២៩ខែមករាឆ្នាំ២០២១នេះថាចំពោះសកម្មភាពយកគ្រឿងចក្រទៅត្រាសសេផ្លូវនិងបានប៉ះពាល់ផលដំណាំលោកប៉ាន់សាមកាលពីថ្ងៃទី២៥ខែមករាកន្លងទៅថ្មីៗនេះគឺលោក(មានសុភ័ក្រ)ធ្វើទៅតាមបទបញ្ជារបស់ឯកឧត្តមនាងឃីមមេបញ្ជាការកងពលតូចលេខ៤១តែប៉ុណ្ណោះ ៕
ដោយ ម្លប់សន្តិភាព
