(ខេត្តព្រះវិហារ) ៖ អតីតៈយោធាម្នាក់បំរើការនៅអង្គភាពវរៈសេនាតូចលេខ ៣៨២ ចំណុះកងពលតូចលេខ ៨ ដែលគេស្គាល់ឈ្មោះ សោម សំអូន នៅរសៀលថ្ងៃទី១ ខែមិនា ឆ្នាំ២០២១នេះ បានអំពាវនាវដល់លោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនិងជាមេបញ្ជាការកងទ័ពជើងគោកដាក់ការស្រាវជ្រាវនិងជួយរកយុត្តិធម៌អោយគាត់ផង ! ខណះពេលលោកវរសេនីយ៍ឯក ឡី លន់ ជាមេកើយ បានលុបឈ្មោះគាត់ចេញពីអង្គភាពដោយសារគាត់ (សោម សំអូន) ហ៊ានទម្លាយរឿងយោធាមួយចំនួន មិនបានទទួលដីគោលរបបលំនៅដ្ឋាន៥០×១០០ម៉ែត្រតាមបណ្តាញសង្គមfb ។
លោក សោម សំអូន ដែលតាំងខ្លួនឯងជាជនរងគ្រោះបានអោយភ្នាក់ងារយើងដឹងថាលោកជាយោធាស្ម័គ្រចិត្តមកពីខេត្តសៀមរាមក្នុងឆ្នាំ២០០៨ព្រឹត្តការប្រាសាទព្រះវិហារនិងបានចូលរួមយ៉ាងសកម្មក្នុងបុព្វហេតុជាតិ ។ តែមិននឹកស្មានដល់នៅឆ្នាំ២០២០ កន្លងទៅ លោក ឡី លន់ មេបញ្ជាការវរៈសេនាតូចលេខ៣៨២ ចេះតែរកលេសតាមធ្វើបាបលោក (សោម សំអូន) ជាច្រើនលើកច្រើសារ រហូតដល់ថ្ងៃទី២៨ ខែកក្កដា ឆ្នាំ២០២០ កន្លងទៅ លោក ឡី លន់ បានចោទគាត់ (សោម សំអូន) ថាជាប់ពាក់ព័ន្ធនិងគ្រឿងញៀន ជាមួយយោធាពីរូបទៀត គេបានបកឯកសណ្ឋានលោកនិងប្រគល់អោយPMស្រុក ដោយគ្មានភស្ថុតាង និងសារធាតុញៀននៅក្នុងខ្លួន លោកត្រូវបានគេដោះលេងវិញ ។ ទោះយ៉ាងនេះក្តី ឈ្មោះលោកត្រូវលុបចេញពីក្រសួងការពារជាតិទាំងអយុត្តិធម៌ដ៏ដែល ដោយឡែក យោធាផ្សេងទៀត ដែលគេចាប់បានរឿងគ្រឿងញៀនខាងលើត្រូវអប់រំនិងបន្តបំរើការជាទាហានដល់សព្វថ្ងៃ ។
លោក (សោមសំអូន)បានបន្តថាភាពអសកម្មជាច្រើននិងការប្រព្រឹត្តអំពើរពុករលួយយ៉ាងធ្ងន់ធ្ងរបានកើតមានឡើងចាប់តាំងពីលោកឡីលន់មកកាន់តំណែង។ដូចជាបែងចែកគោលរបបដីខ្លះបានខ្លះអត់អ្នកធ្វើតែសិប្បកម្មមិនចូលបន្ទាយនិងការដោះដូមុខតំណែងល្អៗនិយមបក្សពួកយកតែសាច់ញាតិលោកឡីលន់តែប៉ុណ្ណោះ។
ជុំវិញការចោទប្រកាន់ខាងលើលោកវរះសេនីយ៍ឯកឡីលន់មេបញ្ជាការវរៈសេនាតូចលេខ៣៨២បានអោយក្រុមការងារយើងដឹងនៅព្រឹកថ្ងៃទី២ខែមិនាឆ្នាំ២០២១ថាបញ្ហានេះសួទៅខាងលើទៅដោយបុគ្គលនោះញៀថ្នាំនិងត្រូវបញ្ជូនទៅតុលាការហើយគ្មានអ្នកណាធ្វើបាបទាហានទេនេះមកពីខ្លួនឯង។
ចំណែកលោកឧត្តមសេនីយ៍ទោលីស៊ុនមេបញ្ជាការកងពលតូចលេខ៨បានបញ្ជាក់ថាបុគ្គលខាងលើជាជនញៀននិងជួញដូរថ្នាំញៀនខាងអង្គភាពបានអប់រំច្រើនដងហើយតែមិនកែប្រែតាំងពីវរះរហូតដល់កងពលនិងមានឯកសារគ្រប់គ្រាន់ជុំវិញករណីនេះ៕ដោយ ម្លប់សន្តិភាព
