(ខេត្តឧត្តរមានជ័យ) ៖ មន្ត្រីយោធាពីរនាក់ប្តីប្រពន្ធដែលគេស្គាល់ឈ្មោះ អ៊ឹង ឆៃហៃ អត្តលេខ២៣៥០៦០ ជាប្តីនិងឈ្មោះ ផាន់ ស៊ីផាន់ថង អត្តលេខ២៣៦១៥៥ជាប្រពន្ធបំរើការនៅអង្គភាពកងពលតូចលេខ៤១ ត្រូវបានពលរដ្ឋអ្នកប្រកបរបស៊ីឈ្នួលភ្ជួរដី(ត្រាក់ទ័រ) ចោទប្រកាន់ថា បានប្រើប្រាស់កម្លាំងពលកម្ម ពួកគាត់មិនព្រមអោយប្រាក់ឈ្នួល ដែលមានចំនួនពីរលានរៀល (២០០០០០០៛) និងសូមអំពាវនាវដល់លោកឧត្តមសេនីយ៍ទោ នាង ឃីម ដែលជាមេបញ្ជាការជួយរកយុត្តិធម៌និងដោះស្រាយអោយផង! ។
បើតាមអោយដឹងពីឈ្មោះ សាយ ធឿន និងប្រពន្ធឈ្មោះ ឃួញ ច្រឹប ដែលបានអះអាងថាខ្លួនជាជនរងគ្រោះនោះថាកាលពីអំឡុងឆ្នាំ២០១៨ ឈ្មោះ អ៊ឹង ឆៃហៃ និងប្រពន្ធឈ្មោះ ផាន់ ស៊ីផាន់ថង ជាមន្ត្រីយោធាបានមកជួលពួកគាត់ (សាយ ធឿន) អោយទៅភ្ជួរដី(ត្រាក់ទ័រ)ដែលស្ថិតនៅភូមិពាមក្នុងឃុំអូរស្វាយស្រុកត្រពាំងប្រាសាទខេត្តឧត្តរមានជ័យចំនួន១៣ហិចតាកន្លះ ដោយត្រូវរ៉ូវគ្នាក្នុងតម្លៃដប់ពីរលានពីរសែនប្រាំបីម៉ឺនប្រាំពាន់រៀល (១២,២៨៥,០០០៛) ដោយចំនួនលុយនេះបានអោយអស់មួយចំនួនធំ ហើយនៅសល់ជំពាក់តែចំនួនពីរលានរៀល (២០០០០០០៛) ទៀត មកដល់បច្ចុប្បន្នថ្ងៃទី៤ ខែមេសា ឆ្នាំ២០២១ មានរយះពេលជាង៣ឆ្នាំទៅហើយនៅតែមិនព្រមសងដោយចេះសន្យាពីមួយថ្ងៃទៅមួយថ្ងៃដោយមានពេលខ្លះប្តីប្រពន្ធយោធាខាងលើនោះបានគំរាមថាចង់រឿងតូចរឺរឿងធំព្រោះគេជាកូនមេហើយចុងក្រោយនេះគេថាមិនសងទេដោយយកលេសថាចាំអោយឈ្មោះហៃរ៉ាត់មកទារទើបគេអោយ។
ចំពោះករណីនេះឈ្មោះ ហៃ រ៉ាត់ បានអោយក្រុមការងារយើងដឹងតាមទូរស័ព្ទថាកាលនោះ ភ្ជួរដីលោកជាអ្នកស៊ីឈ្នួលបន្តពីឈ្មោះសាយធឿនប៉ុណ្ណោះរឿងទៅទារពីមន្ត្រីយោធាពីរនាក់ប្តីប្រពន្ធនោះលោក(ហៃរ៉ាត់)គ្មានសិទ្ធទេព្រោះលោកជាកម្មករ។
តែយ៉ាងណាក៏ដោយលោកស្រីផាន់ស៊ីផាន់ថងជាមន្ត្រីយោធា ដែលរងការចោទពីពលរដ្ឋនោះធ្លាប់អោយភ្នាក់ងារយើងដឹងថាពិតជាមានករណីជំពាក់ប្រាក់ស្នួលខាងលើមែនតែយ៉ាងនេះក្តីលោកស្រីថានិងសងមិនអោយជាប់កម្មពារឡើយ តែដោយសាសម័យកូវិតពិបាករកលុយទើបមិនទាន់សង ៕
ដោយម្លប់សន្តិភាព
