(ខេត្តឧត្តរមានជ័យ) ៖ នៅព្រឹកថ្ងៃទី២៣ ខែមិថុនា ឆ្នាំ២០២១នេះ លោក យា ចាន់ថន អាយុ52ឆ្នាំនិងប្រពន្ធឈ្មោះញ៉ែមសៀងអាយុ៤០រស់នៅភូមិថ្នល់បំបែកឃុំស្រុកអន្លង់វែងបានចេញមកសុំធ្វើការបដិសេធ និងច្រានចោលរាល់ព័ត៌មាន ដែលបានចុះផ្សាយចោទលោក និងប្រពន្ធថា ជាជនឆបោកនិងលួចលក់ដីបងនិងប្អូនជីដូនមួយផ្អើល គេពេញខេត្តកោះកុងនោះ ជារឿងមិនពិតឡើយនិងសុំអ្នកទាំងនោះបង្ហាញភស្ថុតាងនិងប្លង់ដីមកកុំថាតែមាត់ទទេចំណែកខាងលោក(យាចាន់ថន)មានប្លង់ត្រឹមត្រូវនិងបង្ហាញ។
លោក យា ចាន់ថន និងភរិយាបានអោយដឹងថា ទី១ ឈ្មោះ សូ សុផាត អាយុ៥៦ និងប្រពន្ធឈ្មោះ ញ៉ែម គីមលី អាយុ៥០ ស្រុកកំណើតភូមិភ្នំបូរី ឃុំព្រែកផ្ទោល ស្រុកអង្គបូរី ខេត្តតាកែវ ទី២ ឈ្មោះ គិន គុន អាយុ៤៧ឆ្នាំ និងប្រពន្ធឈ្មោះ ហោ ទី អាយុ៤៨ មានស្រុកកំណើតភូមិទ័ពស្តេច ឃុំច្រេស ស្រុកមេសា ខេត្តព្រៃវែង ។ អ្នកទាំង៤រូបខាងលើនេះ ត្រូវជាបងនិងជាប្អូនជីដូនមួយ ធ្លាប់បានរកស៊ីទិញលក់ដីឡូជាមួយគ្នា ហើយពួកគាត់អោយលោក (យាចាន់ថន) ខ្វះលុយ ពួកគាត់ចំនួន៣០០០០$ (បីម៉ឺនដុល្លា) ដើម្បីទុកដើមទុនរកស៊ីសិន ធ្វើអីក៏ធ្វើទៅអោយតែចំណេញ ។ តែក្រោយមកលោកបានលក់ដីផ្ទាល់ខ្លួន ដែលមានប្លង់ឈ្មោះលោកត្រឹមត្រូវ ហើយក៏បានសងទៅពួកគាត់វិញទ្វេរដង រហូតដល់ទៅ៦០០០០$(ប្រាំមួយម៉ឺនដុល្លា) តែពួកគាត់ខាងលើមិនព្រមយកហើយថែមទាំងទារចំណែកលុយលក់ដីស្មើគ្នាព្រមទាំងចោទលោកថាជាមេឆបោកលួចដីពួកគាត់លក់ទៅវិញ ។ ហេតុដូច្នេះហើយសូមអ្នកសារព័ត៌មានក៏ដូចជាសាធារណៈជនឈប់មានការភាន់ច្រឡំតទៅទៀត ។
លោក យា ចាន់ថន និងភរិយាសូមស្នើទៅអ្នកពាក់ពន្ធខាងលើនោះ អោយបង្ហាញភស្ថុតាងមក ដើម្បីបញ្ជាក់កុំចេះតែដើរចោទគេចោទឯង តាមតែអំពើចិត្ត ដែលនាំមហាជនមានការភាន់ច្រឡំប៉ះពាល់កិត្តិយសនិងសេចក្តីថ្លៃថ្នូររបស់លោកនិងគ្រួសារ។
លោកបន្តថា ប្រសិនបើបុគ្គលទាំង ៤ រូបខាងលើ និងអ្នកញុះញ៉ុងនៅពីក្រោយខ្នងនោះ មិនមានឯកសារជាក់លាក់នោះទេ លោកនិងចាក់ការតាមផ្លូវច្បាប់ហើយដើម្បីរកយុត្តិធម៌សម្រាបខ្លួនលោកជនរងគ្រោះ។
តែយ៉ាងណាក៏ដោយ ក្រុមការងារយើងមិនអាចសុំការបំភ្លឺពីឈ្មោះ សូ សុផាត និងឈ្មោះ គុន គន់ និងភរិយាបានទេដោយគ្មានលេខទូរស័ព្ទ ៕
