(ខេត្តកែប) ៖ មន្ទីររ៉ែនិងថាមពលខេត្តកែបនៅរសៀលថ្ងៃទី២៩ខែសីហាឆ្នាំ២០២១នេះបានចេញលិខិតបំភ្លឺជូនអ្នកសារព័ត៌មានក៏ដូចជាសាធារណជនកុំអោយមានការភាន់ច្រឡំបន្ទាប់ពីមានការចុះផ្សាយបណ្តាញព័ត៌មានមួយចំនួនដែលបានចោទប្រកាន់ខាងមន្ទីរ៉ែនិងថាមពលខេត្តកែបថាបានឃុបឃិតគ្នាជាប្រព័ន្ធអោយឈ្មួញយកគ្រឿងចក្រកាយដីភ្នំស្ថិតនៅទីលានចាក់សំរាមភូមិដំណាក់ចង្អើរសង្កាត់ព្រៃធំក្រុងកែបធ្វើអាជីវកម្មនោះជារឿងមិនពិតទេព្រោះគេមានច្បាប់ត្រឹមត្រូវ។
បើយោងតាមលិខិតបំភ្លឺព័ត៌មានរបស់មន្ទីរមានខ្លឹមសារដូចតទៅ÷មន្ទីររ៉ែនិងថាមពលខេត្តកែបសូមជំរាបជូនបណ្តាអង្គភាពសារព័ត៌មាននិងសារធារណជនជ្រាបថា÷
១.ក្រុមហ៊ុនយស់សក្តាឌីវេឡុបមីនឯ.កបានធ្វើអាជីវកម្មដីក្រហមចំណុចទីលានចាក់សំរាមភូមិដំណាក់ចង្អើរសង្កាត់ព្រៃធំក្រុងកែប។
២.ក្រុមហ៊ុនយស់សក្តាឌីវេឡុបមីនឯ.កមានអាជ្ញាប័ណ្ណអណ្តូងរ៉ែបើកនិងការដ្ឋានវាយថ្មសម្រាប់ធ្វើអាជីវកម្មដីក្រហមលេខ០១៣២រថ.អធរ.អបចុះថ្ងៃទី២៣ខែសីហាឆ្នាំ២០២១ធ្វើអាជីវកម្មដីក្រហមស្ថិតនៅភូមិដំណាក់ចង្អើរសង្កាត់ព្រៃធំក្រុងកែបខេត្តកែប។
៣.ក្រុមហ៊ុនយស់សក្តាឌីវេឡុបមីនឯ.កមានកិច្ចសន្យាការពារបរិស្ថានលេខ៦០៥សជណប.ស្ថចុះថ្ងែទី១០ខែឧសភាឆ្នាំ២០២១របស់ក្រសួងបរិស្ថាន។
៤.ចំពោះការដឹងជញ្ជូនក្រសួងនិងមន្ទីរបានណែនាំអោយក្រុមហ៊ុនគោរពតាមសារាចរណែនាំលេខ០៣១០រថ.អធរ.សរចស្តីពីវិធានការចំពោះការដឹកជញ្ជូនរ៉ែសំណង់គ្រប់ប្រភេទ។
ករណីអង្គភាពសារព័ត៌មានក៏ដូចជាសាធារណជនដែលមិនទាន់យល់ច្បាស់បញ្ហាទីតាំងចំណុចខាងលើនេះសូមមេត្តាទំនាក់ទំនងមកមន្ទីីររ៉ែននិងថាមពលខេត្តកែបដែលមានអាស័យដ្ឋានភូមិកែបសង្កាត់កែបក្រុងខេត្តកែបយើងខ្ញុំនិងសហការគ្រប់ពេលវេលារាល់ម៉ោងធ្វើការ។
សេចក្តីដូចបានគោរពជម្រាបជូនខាងលើមន្ទីររ៉ែនិងថាមពលខេត្តកែបសង្ឃឹមថាអង្គភាពសារព័ត៌មានសាធារណជនទូទៅនិងជ្រាបជាព័ត៌មាន៕
