(ខេត្តកែប) ៖ នៅរសៀលថ្ងៃទី៨ ខែកញ្ញា ឆ្នាំ២០២១ នេះ ឯកឧត្តម សោម ពិសិដ្ឋ អភិបាល នៃគណៈអភិបាលខេត្ត កែប អមដំណើរជាមួយដោយ លោក លោកស្រី អភិបាលរងខេត្ត លោក ឧត្ដមសេនីយ៍ ស្នងការ នគរបាល ខេត្ត មេបញ្ជាការ ខេត្ត អភិបាល ក្រុង កែប និងមន្ទីរអង្គភាពពាក់ព័ន្ធ បានចុះពិនិត្យវឌ្ឍនភាពការកែលម្អចិញ្ចើមផ្លូវ ដោយក្រាលការ៉ូឡា នៅតាមបណ្ដោយផ្លូវ ជាតិលេខ៣៣អា ប្រវែង ៧០០ម៉ែត្រ ស្ថិត នៅភូមិថ្មី សង្កាត់ ព្រៃ ធំ ក្រុងកែប ។
ក្នុងឱកាស ចុះពិនិត្យវឌ្ឍនភាពការកែលម្អចិញ្ចើមផ្លូវ ដោយក្រាលការ៉ូឡានេះផងដែរ ឯកឧត្តម អភិបាលខេត្ត មានប្រសាសន៍ថា ការរៀបចំក្រាលការ៉ូឡានេះ គឺជាផ្នែកមួយនៃការរៀបចំកែលម្អសោភ័ណភាពផ្លូវជាតិ៣៣អា អោយមានភាពស្រស់ស្អាត និងងាយស្រួលដល់បងប្អូនប្រជាពលរដ្ឋ ភ្ញៀវទេសចរ មន្ត្រីរាជការ ដើរកំសាន្ត ឬហាត់ប្រាណតាមចិញ្ជើមផ្លូវពេលសម្រាកពីការងារ ។
ឯកឧត្តម ក៏បានជំរុញអោយមន្ទីរជំនាញ សូមយកចិត្តទុកដាក់ពិនិត្យមើលនៅ ប៉ាណូ ឫផ្ទាំង អាហ្វីស និងសំណង់សិល្បការ ដែលបំពាក់តាមដងផ្លូវជាតិ៣៣អា មានសភាពចាស់ទ្រុឌទ្រោមត្រូវដកចោល និងជួសជុលឡើងវិញនៅសំណង់សិល្បការទាំងនោះ៕
