(ខេត្តកែប) បន្ទាប់ពីមានការចាក់អាចម៌ដី និងធ្វើរបងសំណង់រឹងមាំ រំលោភយកឆ្នេសមុទ្រយ៉ាងអនាធិបតេយ្យ នៅចំណុចភ្នំបារាំង ស្ថិតភូមិអង្កោល ឃុំអង្កោល ស្រុកដំណាក់ចង្អើរ ខេត្តកែប នៅចុងឆ្នាំ២០២១កន្លងទៅនេះ ដោយលោកស្រីចៅហ្វាយស្រុក និងឯកឧត្តម សោម ពិសិដ្ឋ អភិបាលខេត្តថា និងមានវិធានការដ្ឋបាលអោយម្ចាស់ទីតាំងរូសរើរបង និងកាយអាចម៌ដីចេញពីចំណីឆ្នេរសមុទ្រវិញនោះ ហាក់គ្មានប្រសិទ្ធសាបដូចទឹកទន្លេមកដល់ថ្ងៃទី១២ ខែកុម្ភៈ ឆ្នាំ២០២២នេះទៅហើយ ។ គេនៅតែឃើញរបងសំណង់រឹងនៅលាតសន្ធឹងបង្ហាញរាងលើឆ្នេសមុទ្រដែលជាសម្បត្តិរដ្ឋសាធាណៈដ៏ដែលរីឯលោកស្រីចៅហ្វាយស្រុកនិងលោកចៅហ្វាយខេត្តនៅសង្ងំដេកលង់លក់យ៉ាងរំភើយអត់ខ្វល់អំពីប្រយោជន៍ជាតិជាធំឡើយ។
ដោយភាពមិនប្រក្រតីនិងអសកម្មរបស់អាជ្ញាធរខាងលើពលរដ្ឋដែលរស់នៅខេត្តកែបសូមសុំសំណូមពរដល់ឯកឧត្តមឱមយិនទៀងប្រធានអង្គភាពប្រឆាំងអំពើពុករលួយហៅកាត់(ACU)បើកការសុើបសង្កេតស្រាវជ្រាវវែកមុខអ្នកប្រព្រឹត្តនិងជនជាប់ពាក់ព័ន្ធជំុវិញការចាក់អាចម៌ដីរំលោភយកដីឆ្នេសមុទ្រនិងធ្វើរបងសំណង់រឹងមាំព័ទ្ធយកបំពានលើច្បាប់រដ្ឋនោះដើម្បីយកមកចាត់ការតាមនិតិវិធីនិងដកហូតដីឆ្នេសមុទ្រនោះទុកជាសម្បត្តិរដ្ឋវិញ។ពលរដ្ឋបន្ថែមដោយដាក់ការសង្ស័យថាអាចមានការត្រូវរូវរឺឃុបឃិតគ្នាជាប្រព័ន្ធនៅខេត្តកែបទើបបទល្មើសខាងលើអាចប្រព្រឹត្តបានយ៉ាងរលូនដូចច្នេះ។
ជុំវិញករណីខាងលើនេះអ្នកស្រី គឹម ចន្នី អភិបាលស្រុកដំណាក់ចង្អើរបានអោយអង្គភាពសារពត៌មានម្លប់សន្តិភាពយើងដឹងនៅរសៀលថ្ងៃទី១២ខែគុម្ភៈឆ្នាំ២០២២នេះថាបានជាយឺតយ៉ាវក្នុងអនុវត្តរដ្ឋបាលខាងលើដោយសារមេការគ្រឿងចក្រទីតាំងនេះបានជាពន្ធនាគារ។
ចំណែកឯកឧត្តម សោម ពិសិដ្ឋ អភិបាលខេត្តកែបបានថ្លែងថា ការកាយអាចម៌ដីចេញពីឆ្នេរវិញនិងរូសរើវៃរបងសំណង់រឹងត្រូវតែផ្ទៀងភ្ទាត់គ្នាអោយច្បាស់សិនទើបធ្វើបានរីឯបញ្ហានេះលោកថាអាចសួរចៅហ្វាយស្រុកបន្ថែមទៀតចុះព្រោះលោកជាប់រវល់ ៕
