(វគ្គ៣ខេត្តកែប) ៖ នៅព្រឹកថ្ងៃទី១៦ ខែកុម្ភៈ ឆ្នាំ២០២២នេះ លោក ខៀវ សុផានុរស្ស ចាងហ្វាងការផ្សាយគេហទំព័រសារព័ត៌មាន ម្លប់សន្តិភាព សូមបញ្ចេញនូវទស្សនៈជំហរបស់ខ្លួន គោរពច្បាប់ ដោយឈរលើគោលការច្បាប់ក្រមសីលវិជ្ជាជីវៈ ដើម្បីលើកកម្ពស់វិស័យសារព័ត៌មាននៅកម្ពុជា អ្វីដែលអង្គភាព ផ្សព្វផ្សាយ គឺគោរពក្រមសីលធម៌ ផ្សព្វផ្សាយតែរឿងពិត មិនតម្រូវចិត្តបុគ្គលណាម្នាក់ ជាពិសេសមិត្តអ្នកអាន អ្នកស្តាប់ ព្រមទាំងអ្នកខមិនគាំទ្រ និងអ្នកដែលមិនគាំទ្រ ហើយផ្សាយតាមការបង្គាប់បញ្ជាឡើយ អង្គភាព ព័ត៌មានម្លប់សន្តិភាព បានដើរតួនាទីជាកញ្ចក់ឆ្លុះបញ្ចាំងរឿងពិតក្នុងសង្គម និងនាំដំណឹងពីពលរដ្ឋទៅថ្នាក់ដឹកនាំ និងនាំដំណឹងពីថ្នាក់ដឹកនាំមកកាន់ប្រជាពលរដ្ឋ ហើយអង្គភាពគេហទំព័រ ព័ត៌មានម្លប់សន្តិភាពយើងខ្ញុំមិនបម្រើអោយបក្សនយោបាយណាឡើយ ជាអង្គភាពសារព័ត៌មានឯករាជ ដែលគោរពតាមក្រមសីលធម៌និងតាមសេចក្តីណែនាំរបស់ក្រសួងព័ត៌មាន ចុះបញ្ជីបង់ពន្ធជូនរដ្ឋត្រឹមត្រូវ តាមទម្រង់បែបបទរបស់ក្រសួង ។ តែអ្វីដែលអង្គភាពយើងខ្ញុំមិនយល់នោះ បន្ទាប់ពីអង្គភាពយើងខ្ញុំធ្វើការផ្សព្វផ្សាយព័ត៌មានវគ្គ២ ទាក់ទងជនឆ្លៀតឱកាសនិយមមួយក្បាប់តូច បានចាក់អាចម៍ដីរំលោភចូលឆ្នេរសមុទ្រ និងធ្វើរបងថ្មហ៊ុព័ទ្ធយកដីរដ្ឋធ្វើកម្មសិទ្ធិឯកជននោះ មានជនអនាមិក បានខលមកតាំងខ្លួនជាអ្នកដោះស្រាយរឿងខាងលើ និងស្នើអោយអង្គភាពយើងខ្ញុំ ទម្លាក់ ឬក៏លុបរឿងចេញពីអង្គភាព សារសម្លេងសន្ទនាគ្នាតាមទូរស័ព្ទជាមួយមនុស្សមួយក្រុមមានគ្នាចំនួន ២ នាក់ ដែលបានខលទូរស័ព្ទមកកាន់លោកនៅថ្ងៃទី១៣ និងថ្ងៃទី១៤ ខែកុម្ភៈ ឆ្នាំ២០២២ថ្មីៗនេះ ដោយមានខ្លឹមសារស្រដៀងគ្នា និងគោលបំណងចង់អោយលោកទម្លាក់រឺលុបចោលរាល់ព័ត៌មាន ដែលពាក់ព័ន្ធករណីចាក់អាចម៌រំលោភឆ្នេរសមុទ្រនិងធ្វើរបងសំណង់រឹងមាំព័ទ្ធយកដីឆ្នេរយ៉ាងអនាធិបតេយ្យចំណុចភ្នំបារាំង ស្ថិតនៅភូមិអង្កោល ឃុំអង្កោល ស្រុកដំណាក់ចង្អើរ ខេត្តកែប ។ ដែលបានចុះផ្សាយចំនួន២លេខកន្លងទៅ គឺថ្ងៃទី១៥ខែមករា និងថ្ងៃទី១៣ខែកុម្ភៈ ឆ្នាំ២០២២ ថ្មីៗនេះ ពីសំណាក់អង្គភាពគេហទំព័រម្លប់សន្តិភាពដែលមានលោក ខៀវ សុផានុរស្ស ជាស្ថាបនិក ។
បុគ្គលទាំងពីរូបដែលបានខលមកសុំអន្តរាគមន៍នោះទី១ ប្រើប្រាសទូរស័ព្ទលេខ ០៦៩៥៥៥៥៦០ ដោយរូបគេមិនបានប្រាប់ឈ្មោះ រឺមកពីអង្គភាពណាឡើយ ។ ហើយប្រាប់ថា «តេ»ពីភ្នំពេញទៅដោយសុំអោយអង្គភាពសារព័ត៌មានម្លប់សន្តិភាព ទម្លាក់រឺលុបរឿងខាងលើចោលសិន ពីព្រោះគេកំពុងស្រាវជ្រាវ និងធ្វើការរឿងហ្នឹង ហើយនិងសុំអោយថ្លៃកាហ្វេគុយទាវចំនួន៤០០០០០៛(សែសិបម៉ឺនរៀល) ។ គេបានបញ្ជាក់ថា លុយអោយនេះមិនមែនជាលុយសុំអន្តរាគម៍ដកពត៌មាន ឬជារឿងពុករលួយអ្វីឡើយ តែជាលុយទឹកចិត្ត ។ បើទោះបីយ៉ាងនេះក្តីសំណើរខាងលើនេះ ត្រូវបានលោក ខៀវ សុផានុរស្ស បដិសេធនិងច្រានចោលមិនទទួល។
បន្ទាប់មកនៅរសៀលថ្ងៃទី១៤ កុម្ភៈ ក៏មានជនទី២ ដោយប្រើប្រាសលេខទូរស័ព្ទ០៨៨២៧៧៧៧៥៧ និងភ្ជាប់បណ្តាញតេលេក្រាមមានឈ្មោះ អ៊ឹង គឹំហុង ខលមកហើយប្រាប់ថា គេធ្វើការនៅក្រសួង ហើយក៏ជាអ្នកកាសែតដែរ ។ ខលមកនេះមិនមែនក្នុងនាមក្រសួងទេ គឺមានគេអោយមកជួយសម្រួលសុំអោយដករឿងខាងលើចេញ ព្រោះខាងគេដឹងខ្លួនខុសហើយ និងខលមកខាងក្រសួងអោយជួយអោយបញ្ចប់កុំផ្សាយតទៅទៀត និងថាចង់បានលក្ខ័ណណាប្រាប់វិញមក តែសំណើនេះត្រូវបានលោក ខៀវ សុផានុរស្ស ចាងហ្វាងសារព័ត៌មានម្លប់សន្តិភាពមិនទទួល។
អង្គភាពគេហទំព័រម្លបសន្តិភាពយើងមានជាចម្ងល់ថា តើបុគ្គលទាំងពីរនាក់ដែលប្រើលេខទូរស័ព្ទខា
ងលើ ជាអ្នកណា ដែលបានខលមកអង្គភាពយើងក្នុងន័យជួយបិតបាំងជនខិតខូចដែលរំលោភដីឆ្នេរសមុទ្រជាសម្បត្តរដ្ឋសាធារណៈបើប្រិយមិត្តអ្នកតាមដានដឹងម្ចាស់លេខទូរស័ព្ទនេះជានរណាសូមខមិនប្រាប់ផង។
ក្រុមអ្នកសារព័ត៌មានយើងក៏ដូចជាពលរដ្ឋរស់នៅក្នុងខេត្តកែបសូមអំពាវនាវដល់ស្ថាប័នក្រសួងពាក់ព័ន្ធឯកឧត្តមជាសុផារ៉ាប្រធានគណៈកម្មាធិការអភិវឌ្ឍន៍តំបន់ឆ្នេនិងឯកឱមយិនទៀងប្រអង្គភាពប្រឆាំងអំពើពុករលុយហៅកាត់(ACU)បើកការស៊ើបអង្កេតនិងស្រាវជ្រាវរកមុខអ្នកប្រព្រឹត្តនិងអ្នកជាប់ពាក់ព័ន្ធរួមទាំងអ្នកនៅពីក្រោយខ្នងវាំងននខ្មៅរឿងចាក់ដីរំលោភឆ្នេរនិងធ្វើរបងថ្មព័ទ្ធយកដីរដ្ឋនោះមកផ្តន់ទារទោសតាមច្បាប់ដោយស្របតាមវិធានក្តៅរបស់សម្តេចតេជោប្រមុខរាជរដ្ឋភិបាលកម្ពុជាកាលពីថ្ងែទី២៨ខែវច្ឆិការឆ្នាំ២០២១កន្លងទៅថ្មីៗក្តីអំពីការទប់ស្កាត់ការកាប់ទន្ទ្រានដីរដ្ឋនិងដកហូតដីព្រៃលិចទឹកនៅតំបន់បឹងទន្លេសាប។
គួរលឹកផងដែរថា ឆ្នេរសមុទ្រអង្កោលក្បែរភ្នំបារាំងត្រូវបានអ្នកមានលុយនិងអំណាចធ្វើរបងរឹងមាំព័ទ្ធនិងចាក់អាចម៌ដីរំលោភយកយ៉ាងគឃ្លើនរីឯអ្នកស្រីគឹមចន្នីចៅហ្វាយស្រុកដំណាក់ចង្អើរនិងឯកឧត្តមសោមពិសិទ្ធអភិបាលខេត្តកែបបានត្រឹងឈរអោបដៃមើលហើយចេះតែសន្យាពីមួយថ្ងៃទៅមួយថ្ងៃថានិងមានវិធានអោយរួចតែពីមាត់តែប៉ុណ្ណោះដូចពាក្យចាសពោលថា(កោកៗសឹកមាត់ត្រដោកឆ្អែតពោះក្របី) ៕
