ខេត្តកំពង់ចាម ៖ កាលពីរសៀលថ្ងៃទី១៧ ខែកុម្ភះ ឆ្នាំ២០២២នេះបងប្អូនប្រជាពលរដ្ឋបានរាយការណ៍មកថា មានទីតាំងបើកលេងល្បែងស៊ីសងជល់មាន់ និងអាប៉ោងខុសច្បាប់មួយកន្លែងកំពុងបើកលេងយ៉ាងគឃ្លើននៅចំណុចភូមិព្រៃទទឹងនិងភូមិរាលស្បូវ(លេងចល័តចំនួនពីរភូមិនេះ)ឃុំឫស្សីស្រុកស្រុកស្រីសន្ធរខេត្តកំពង់ចាម។កំពុងតែបើកដំណេីរការលេងយ៉ាងគក្រឹកគក្រេងជារៀងរាល់ថ្ងៃគេទាន់មិន ឃើញ មានសមត្ថកិច្ចចុះទប់ស្កាត់ និង បង្ក្រាបនោះ ឡើយសង្ស័យជាឆ្នាំងបាយអស់លោកមន្ត្រីជំនាញទេដឹង។
យោងតាមសេចក្តីរាយការណ៍ពីប្រជាពលរដ្ឋបានបន្តឲ្យដឹងថា មេបនល្បែងស៊ីសងខុសច្បាប់ខាងលើ ត្រូវបានគេឈ្មោះថននិងឈ្មោះពេជ្យបានរត់ការបង់លុយរបៀបពុករលួយក្រោមតុតាំងពីថ្នាក់ក្រោមរហូតដល់ថ្នាក់ខេត្ត។អញ្ចឹងហើយបានជាគេបើកលេងដំណើរការយ៉ាងរលូនដូចច្នេះរីឯក្រុមអ្នកញៀនល្បែងជាច្រើននាក់កំពុងស ម្រុក ចូល លេ ង យ៉ាងព ពាក់ ពពួនដូចទឹកបាក់ទំនប់អញ្ចឹង។ដោយមិនខ្វល់ពីវិធានការរាជរដ្ឋាភិបាលទប់ស្កាត់ស្តីអំពីការរីករាលដាលនៃជំងឺឆ្លងកូវីដបំប្លែងថ្មីអូមីក្រុងខណៈមេរោគនេះកំពុងវាយឡុកក្នុងសហគន៍គួអោយកត់សម្គាល់។
ប្រភពពីប្រជាពលរដ្ឋរស់នៅក្បែរបនល្បែងនោះបានឲ្យដឹងបន្តថាមេបនល្បែងស៊ីសងជល់មាន់និងអាប៉ោងខាងលើប្រហែលជាមានខ្នងធំហើយរឹងមាំនៅពីក្រោយហើយមើលទៅបានជាហ៊ានបើកលេងល្បែងខុសច្បាប់ដោយមិនខ្វល់ពីចំណាត់ការខាងអាជ្ញាធរសមត្តកិច្ចជំនាញនោះឡើយ។
បងប្អូនប្រជាពលរដ្ឋបានសម្ដែងការមិនពេញចិត្តនិងមានការព្រួយបារម្ភយ៉ាងខ្លាំង និងមានការភ័យ ខ្លាច កើ តមានបទ ល្មើស ផ្សេងៗដូច ជា អំពើ ចោរកម្ម អំពើ ហិង្សា និងប ទល្មើស ជួញ ដូរនិង ប្រើ ប្រាស់ គ្រឿង ញៀន ព្រោះ មា នព លរដ្ឋ ខ្លះ ចាញ់ ល្បែង ល ក់អ ស់ទ្រព្យសម្បត្តិដីធ្លី និ ងជំ ពាក់បំ ណុល គេ ជុំទិស បង្ក ជាបញ្ហា អសន្តិសុខ សង្គម។
ជុំវិញករណីខាងលើលោកវរសេនីយ៍ឯកប៉ាកជាតិអធិការនគរបាលស្រុកស្រីសន្ធរបានអោយអង្គភាសារព័ត៌មានម្លប់សន្តិភាពយើងដឹងនៅព្រឹកថ្ងៃទី១៨ខែគុម្ភៈឆ្នាំ២០២២នេះថាបញ្ហារឿងនេះលោកអត់ទាន់ដឹងទេឥឡូវលោកកំពុងឡានចាំលោកចុះទៅមើល ។
បងប្អូនប្រជាពលរដ្ឋសូមសំណូមពរនិងធ្វើការស្នើដល់លោកឧត្តមសេនីយ៍ទោឯមកុសលស្នងការនគរបាលខេត្តកំពង់ចាមមេត្តាចាត់កម្លាំងជំនាញក្រោមឱវ៉ាតចុះទប់ស្កាត់និងមានចំណាត់ការបង្ក្រាបក្រុមអ្នកញៀនល្បែងទីតាំងខាងលើមួយនេះអោយទាន់ពេលវេលាផងទាន!!៕
