ឧត្តរមានជ័យ÷នាព្រឹកថ្ងៃទី២៨ ខែមេសា ឆ្នាំ២០២៥នេះ ឯកឧត្តមកិត្តិសង្គហបណ្ឌិត គន់ គីម សមាជិកគណៈអចិន្ត្រៃយ៍គណៈកម្មាធិការកណ្តាល និងជាប្រធានក្រុមការងារគណបក្សចុះមូលដ្ឋានខេត្តឧត្តរមានជ័យ បានអញ្ជើញដឹកនាំកិច្ចប្រជុំបូកសរុបលទ្ធផលការងារគណបក្ស ត្រីមាសទី១ ឆ្នាំ២០២៥ និងលើកទិសដៅភារកិច្ចអនុវត្តន៍បន្ត របស់គណៈកម្មាធិការគណបក្សខេត្តឧត្តរមានជ័យ។
ក្នុងកិច្ចប្រជុំដ៏សំខាន់នេះ ឯកឧត្តមបានសង្ខេបផ្តល់ការវាយតម្លៃលើសមិទ្ធផលនានាដែលគណៈកម្មាធិការគណបក្សខេត្ត សម្រេចបានក្នុងត្រីមាសទី១ ព្រមទាំងបញ្ជាក់បញ្ហាប្រឈមនានាដែលត្រូវការកែលម្អ និងពង្រឹងបន្ថែម។
ឯកឧត្តម ក៏បានណែនាំអោយអង្គភាពទាំងអស់បន្តពង្រឹងការធ្វើការងារផ្នែកគណបក្ស សង្គមសេដ្ឋកិច្ច និងការរួមចំណែកដល់ការអភិវឌ្ឍន៍តំបន់ ដោយបន្តអនុវត្តយុទ្ធសាស្ត្រគោលនយោបាយរបស់គណបក្សយ៉ាងស្មោះត្រង់ និងមានប្រសិទ្ធភាព។
កិច្ចប្រជុំបានប្រារព្ធឡើងក្នុងបរិយាកាសល្អ ប្រកបដោយការទទួលខុសត្រូវខ្ពស់ និងការសហការសកម្មពីសំណាក់មន្ត្រីគណៈកម្មាធិការគណបក្សគ្រប់កម្រិត៕
