ខេត្តឧត្តរមានជ័យ ÷ មានសេចក្តីរាយការណ៍មកថារហូតមកដល់ថ្ងៃទី១០ ខែមិថុនា ឆ្នាំ២០២២នេះទៅហើយ ទីតាំងបនល្បែងស៊ីសងប្រជល់មាន់និងអាប៉ោងរបស់ឈ្មោះ ស្រួច នៅតែកំពុងបើកដំណើរការយ៉ាងរលូន ស្ថិតនៅភូមិត្រពាំងប្រាសាទ ឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ ។
ប្រជាពលរដ្ឋរស់នៅក្បែទីតាំងសង្វៀនមាន់ និងល្បែងអាប៉ោងស្ទើគ្រប់រូបនៅកណ្តាលស្រុកត្រពាំងប្រាសាទ សុទ្ធតែដឹងអំពីកន្លែងលេងអាប៉ោង និងប្រជល់មាន់របស់ឈ្មោះ ស្រួច ទីតាំងខាងលើ ចុះមូលហេតុអ្វីបានជាលោក ហាំង ម៉េង អភិបាលស្រុកត្រពាំងប្រាសាទ និងជាប្រធានគណៈបញ្ជាការឯកភាពស្រុកនោះមិនអើពើ ឬក៏បានទទួលលាភពីមេបនល្បែងអស់ទៅហើយ?។
ពាក់ព័ន្ធនិងបនល្បែងស៊ីសងខុសច្បាប់ប្រជល់មាន់និងអាប៉ោងដែលកំពុងតែប្រមូលផ្ដុំក្បាលគ្នាលេងយ៉ាងអណាធិបតេយ្យគ្មានញញើតនិងមន្ត្រីមូលដ្ឋាននោះប្រជាពលរដ្ឋជាច្រើនគ្រួសារកំពុងតែមានការព្រួយបារម្ភយ៉ាងខ្លាំងអំពីសុវត្ថិភាពក្រុមគ្រួសាររបស់ពួកគាត់ព្រោះហេតុថាអ្នកញៀនល្បែងជាច្រើនកុះករទាំងអស់នោះកំពុងតែឈ្លក់វង្វេងនិងល្បែងអបាយមុខជាហេតុបង្កឲ្យកើតមានឡើងនូវអំពើហិង្សាក្នុងគ្រួសារអំពើចោរកម្មបង្កអសន្តិសុខយ៉ាងធ្ងន់ធ្ងរនៅពេលខាងមុខជាពិសេសបានយកច្បាប់គោលនយោបាយភូមិឃុំមានសុវត្ថិភាពមកជាន់ឈ្លីផងនោះ។
គួរំលឹកថា បនល្បែងស៊ីសងខាងលើនេះត្រូវបានបង្ក្រាបម្តងរួចមកហើយនាពេលកន្លងទៅក្រោមការចង្អុលបង្ហាញពីលោកស្នងការនគរបាលខេត្តតែមិនដឹងយ៉ាងមិចបានជាល្បែងងខុសច្បាប់មួយនេះអាចបើកតំណើការឡើងវិញបាននោះ។
ប្រជាពលរដ្ឋជាច្រើនគ្រួសាររស់នៅខេត្តឧត្តរមានជ័យសូមអំពាវនាវស្នើសុំដល់ឯកឧត្តមប៉ែនកុសល្យអភិបាលនៃគណៈអភិបាលខេត្តឧត្តរមានជ័យនិងលោកឧត្តមសេន៍យ៍ទោហួតសុធីស្នងការនគរបាលខេត្តរមានជ័យសូមមេត្តាចាត់សមត្ថកិច្ចជំនាញចុះពិនិត្យបង្ក្រាបទីតាំងខាងលើនេះផងទាន ៕ ដោយ ៖ ម្លប់សន្តិភាព
