ខេត្តកំពត ៖ ថ្មីៗនេះមានការចុះផ្សាយព័ត៌មានលើបណ្តាញសង្គមFB .Pegas រឿងលុយ១៦ម៉ឺនដុល្លា រវាងលោកប៊ុន សុផាត និងលោកឈុន សារឿន ក្នុងករណីរកស៊ីដាក់ហ៊ុនគ្នាទិញដី លក់ដី បានធ្វើអោយកក្រើកអស់មហាជន ប្រភព ពីលោកប៊ុន សុផាត បានផ្តល់ប្រភពអោយសារព័ត៌មានផ្សាយចោទលោកឈុន សារឿនថា បានស៊ីដាច់លុយហ៊ុនចំនួន១៦ម៉ឺនដុល្លា លើសពីនេះទៀត ក្នុងខ្លឹមសារព័ត៌មានដែលគាំទ្រលោកប៊ុន សុផាត យ៉ាងង៉ប់ងុល បានសង្កក់ធ្ងន់ៗថា កាលពីថ្ងៃទី២០ ខែមេសា ឆ្នាំ២០២២លោកប៊ុន ផាត បានប្តឹងលោកឈុន សារឿន ទៅកាន់សាលាដំបូងខេត្តកំពត ហើយថែមទាំងថា លោកឈុន សារឿន គិចវេសមិនព្រមចូលខ្លួនដោះស្រាយនោះ គឺជាលេះចោទរបស់លោកប៊ុន សុផាត ដែលយករឿងទប់រឿង ដើម្បីគិចវេស ពីបណ្តឹងរបស់លោកឈុន សារឿង ដែលតុលាការកោះហៅលោកប៊ុន សុផាត មិនចូលខ្លួនអស់រយៈកាលចំនួន៣លើកកន្លងមកហើយ ពាក់ព័ន្ធដំណើររឿងនិងអង្គហេតុខាងលើ ដើម្បីបញ្ជាក់ការពិត នៅរសៀលថ្ងៃទី២៣ ខែវិច្ឆិកា ឆ្នាំ២០២២នេះ លោកឈុន សារឿន បានធ្វើការបំភ្លឺនិងឆ្លើយតបនិងលោកប៊ុន សុផាតនិងសាធារណៈជនអោយបានជ្រាប ហើយក៏បានអះអាងថា ប្រភពដែលលោកប៊ុន សុផាត ផ្តល់អោយអ្នកព័ត៌មានចុះផ្សាយពីលោកនោះគឺជារឿងមិនពិតដូចនេះលោកសូមធ្វើការបដិសេដ្ឋច្រានចោលទាំងស្រុង ហើយលោកតម្រូវអោយអ្នកព័ត៌មាន ចុះស៊ឺបអង្កេត ព័ត៌មានអោយបានច្បាស់លាស់មុននិងចេញផ្សាយ ទី១ត្រូវកែតម្រូវនូវខ្លឹមសារឡើងវិញ ទី២ត្រូវកែតម្រូវ នូវរូបភាព ឯកសណ្ឋានកងរាជអាវុធជាតិ ពីព្រោះលោកមិនមែនជាមន្ត្រីកងរាជអាវុធទៀតឡើយ។
ពាក់ព័ន្ឋករណីរឿងទំនាស់ផលប្រយោជន៍ក្នុងភាគហ៊ុនដៃគូររកស៊ីនេះដែរ លោកឈុន សារឿន បានបន្តគួសបញ្ជាក់ថា កាលពីថ្ងៃទី១៥ ខែវិច្ឆិកា ឆ្នាំ២០១៨ លោក ប៊ុន សុផាត និងរូបលោក បានព្រមព្រៀងគ្នាលក់ដីមួយកន្លែងទំហ៊ុំ៣០,០០០ម៉ែត្រការ៉េ ដែលស្ថិតនៅតំវាលពួចភូមិទទឹងថ្ងៃ ឃុំបឹងទូក ស្រុកទឹកឈូ ហើយបច្ចុប្បន្នកាត់ចូលសង្កាត់បឹងទូក ក្រុងបូកគោ ខេត្តកំពត ការលកដី៣០០០០ម៉ែត្រការ៉េខាងលើ លោកបានប្រាក់ចំនួន២១,០០០០ដុល្លា បន្ទាប់មក លោកឯកភាពគ្នាទិញដីមួយកន្លែងទៀតពីឈ្មោះលាង សុង និងឈ្មោះ តៃ ប៊ូ ទំហ៊ុំ៤៧,០០០ម៉ែត្រការ៉េ ក្នុងក្នុងតម្លៃទឹកប្រាក់ចំនួន២៨២,៩០៦ដុល្លា ដោយឡែកឈ្មោះប៊ុន សុផាត មានប្រាក់សុតត្រឹមតែ៧៥•០០០ដុល្លា ហើយរូបលោកឈុន សារឿន មានប្រាក់សុតចំនួន១៤,៥០០០ដុល្លា បូកបញ្ចូលគ្នាទាំងពីរនាក់មានទឹកប្រាក់ចំនួន២២០,០០០ដុល្លា តែប៉ុណ្ណោះនិងនៅខ្វះចំនួន៦២•០០០ដុល្លា ដូចនេះ លោកបានឯកភាពជាមួយលោកប៊ុន សុផាត យកប្លង់ដីផ្ទះខ្លួននិងប្លង់ដីចំការចំនួន២ប្លង់យកទៅបញ្ចាំដើម្បីយកប្រាក់មកបង្គ្រប់ថ្លៃទិញដីខាងលើ។
ដោយឡែកលោកប៊ុន សុផាត បានអោយសារព័ត៌មានចុះផ្សាយមូលបង្កាច់លោកឈុន សារឿន បានបញ្ជាក់ថា ភាគីទាំង២ បានព្រមព្រៀងលក់ដីទំហ៊ុំ៤•៧០០០ម៉ែត្រការ៉េ ក្នុងតម្លៃ ៥១៨,៧០០$(ហាសិបមួយម៉ឺនប្រាំបីពាន់ប្រាំពីររយដុល្លារសហរដ្ឋអាមេរិក) ចំពោះប្រាក់ថ្លៃដីលោក ប៊ុន សុផាត និងលោក ឈុន សារឿន បានទទួលលើកទី១.មានចំនួន ១៥០,០០០$(ដប់ប្រាំម៉ឺនដុល្លារសហរដ្ឋអាមេរិក) ហើយប៊ុន សុផាតបានធ្វើការបែងចែកអោយលោក ឈុន សារឿន ចំនួន ៧៥,០០០$(ប្រាំពីរម៉ឺនប្រាំពាន់ដុល្លារសហរដ្ឋអាមេរិក) ,លើកទី២.មានចំនួន ១៣០,០០០$(ដប់បីម៉ឺនដុល្លារសហរដ្ឋអាមេរិក)បន្ទាប់មកឈ្មោះ ទូច សាមេតភាគីអ្នកទិញបានបាញ់លុយចូលកុងលោក ប៊ុន សុផាត ក្រោយមកលោកអះអាងថា លោកបានដកលុយសុទ្ធចំនួន ៦៥,០០០$(ប្រាំមួយមុឺនប្រាំពាន់)ទៅឲ្យ លោក ឈុន សារឿន ,ដូច្នេះប្រាក់ទាំងពីរលេីកនេះលោក ប៊ុន សុផាត បានបញ្ជាក់ថាលោក ឈុន សារឿន ទទួលបានចំណែកស្មេីៗគ្នាដូចលោកដែរ។
ខ្លឹមសារចុះផ្សាយក្នុងព័ត៌មានខាងលើ ត្រូវបានលោកឈុន សារឿន បានបញ្ជាក់ថា គឺជារឿបមិនពិត ជាក់ស្តែង លោក មិនបានទទទួលប្រាក់ ដូចការរៀបរាប់របស់លោកប៊ុន សុផាត ក្នុងខ្លឹមសារព័ត៌មានខាងលើនោះឡើយ។
គួសបញ្ជាក់ផងដែរថា យោងតាមការបកស្រាយបំភ្លឺ ពីលោកឈុន សារឿន តបតាមពាក្យបណ្តឹងប្តឹងចោទលោក ពីសំណាក់លោកប៊ុន សុផាត ដែលបានធ្វើឡើងកាលពីថ្ងៃទី០២ ខែសីហា ឆ្នាំ២០២២ របស់ព្រះរាជអាជ្ញារង លោកស្រីម៉េង សុខឃីម លោកឈុន សារឿន បានបញ្ជាក់ថា ប្រាក់កក់លើកទី១ចំនួន៥០•០០០ដុល្លា ឈ្មោះប៊ុន សុផាត ទទួលយកតែម្នាក់ឯងគត់ ចំណែកលោកពុំបានទទួលប្រាក់ពាក់កណ្តាលដូចដែលលោក ប៊ុន សុផាត អះអាងថានោះឡើយ ចំពោះប្រាក់១៦•០០០ដុល្លា ដែលឈ្មោះប៊ុន សុផាតចោទលោក ជាអ្នកដកយកនោះ លោកបានទទួលស្គាល់ថា លោកពិតជាបានដកប្រាក់នោះពីឈ្មោះទូច សាមេត ភាគីអ្នកទិញពិតប្រាកដមែន ដោយលោកសំអាងថា លោកក៏ជាម្ចាស់ដី និងជាភាគីអ្នកលក់ដីទៅអោយឈ្មោះទូច សាមេតពិតប្រាកដ ដូចនេះ ការដែលលោកទទួលប្រាក់ពីឈ្មោះទូច សាមេត ភាគីអ្នកទិញ គឺលោកមិនខុសច្បាប់នោះទេ។ ហើយប្រាក់ចំនួន១៦០•០០០ដុល្លានេះ លោកយកចំនួន៤០•០០០ដុល្លា ទៅលួសប្តង់ដីចំការលោក ពីធានាគារនៅភ្នំពេញ ចំពោះប្រាក់នៅសល់១២០•០០០ដុល្លា លោកបានរក្សាទុកនៅនិងខ្លនរបស់លោកផ្ទាល់ ចំពោះប្រាក់បានពីការលក់ដីអោយឈ្មោះទូច សាមេត គឺឈ្មោះប៊ុន សុផាត បានទទួលច្រើនជាងលោកទៅទៀត ចំនួន៣៤០.០០០ដុល្លាហេតុអីលោកមិនលើកឡើងផង។ប្រភពដែលអង្គភាពយើងខ្ញុំមានក្នុងដៃ គឺជាកំណត់ហេតុចុងបណ្តឹងរបស់លោកឈុន សារឿន ដែលបានបកស្រាយបំភ្លឺចំពោះមុខសមត្ថកិច្ចនគរបាលយុត្តិធម៌នៃស្នងការដ្ឋាននគរបាលខេត្តកំពត កាលពីថ្ងៃទី១៧ ខែមិថុនា ឆ្នាំ២០២២ លោកឈុន សារឿន បានឆ្លើយបញ្ជាក់ដូចខ្លឹមសារខាងលើដែរ កាលពីអំឡុងឆ្នាំ២០១៨ រូបលោកនិងឈ្មោះប៊ុន សុផាត បានលក់ដីមួយកន្លែងរួមគ្នា ដែលមានទីតាំងស្ថិតក្នុងភូមិទទឹងថ្ងៃ ឃុំបឹងទូក ស្រុកទឹកឈូ ខេត្តកំពត ដែលមានផ្ទៃដីទំហ៊ុំ៣០•០០០ម៉ែត្រការ៉េ គិតជាទឹកប្រាក់ចំនួន២១០•០០០ដុល្លា និងទិញដីមួយកន្លែងផ្សេងទៀតរួមគ្នា មានទំហ៊ុំផ្ទៃដី៤៧,១៦១ម៉ែត្រការ៉េ ក្នុងតម្លៃ២៨២,៩០៦ដុល្លា សហរដ្ឋអាមេរិក ដោយប្រាក់មិនគ្រប់ ចំនួន ខ្លួននិងលោកប៊ុន សុផាត បានទៅខ្ចីប្រាក់ពីឈ្មោះកៅ ងីម ភេទស្រីចំនួន៥០,000ដុល្លា ព្រមទាំងយកប្លង់ដីផ្ទះមួយកន្លែង ដើម្បីទៅខ្ចីប្រាក់ពីធនាគារភ្នំពេញបន្ថែមទៀតចំនួន៤០,០០០ដុល្លា ដោយបានដាក់ប្លង់ដីចំការរបស់លោកឈុន សារឿនមួយកន្លែងទៀត ដើម្បីបង្គ្រប់ទិញដីខាងលើ។
សូមបញ្ជាក់ថា កាលពីថ្ងៃទី១៥ ខែវិច្ឆិកា ឆ្នាំ២០១៨ លោកនិងឈ្មោះប៊ុន សុផាត បានលក់ដីរួមគ្នាមួយកន្លែងមានទំហ៊ុំ៤៧•១៦១ម៉ែត្រការ៉េ ដែលស្ថិតក្នុងភូមិទទឹងថ្ងៃ ឃុំបឹងទូក ស្រុកទឹកឈូ ដែលបច្ចុប្បន្នកាត់ចូលភូមិទទឹងថ្ងៃ សង្កាត់បឹងទូក ក្រុងបូកគោ ខេត្តកំពត អោយទៅឈ្មោះទូច សាមេត ក្នុងតម្លៃទឹកប្រាក់ចំនួន៥១៨,៧០០ដុល្លា លុះដល់ថ្ងៃទី២០ ខែវិច្ឆិកា ឆ្នាំ២០១៨ ឈ្មោះទូច សាមេត បានកក់ប្រាក់លើកទីមួយចំនួន១៥០,០០០ដុល្លា លើកទីពីរ ចំនួន១៣០,០០០ដុល្លា សូមបញ្ជាក់ថាទឹកប្រាក់ខាងលើនេះ គឺឈ្មោះប៊ុន សុផាត ជាអ្នករក្សាទុកប្រាក់ខាងលើម្នាក់ឯង។
ចំណែកលើកទីបី ខ្លួនទទួលប្រាក់ចំនួន១០,០០០ដុល្លា លើកទីបួន ខ្លួនបានទទួលប្រាក់ចំនួន១០,០០០ដុល្លា លើកទីប្រាំ ខ្លួនទទួលប្រាក់ចំនួន៥០០,០០០ដុល្លា លើកទីប្រាំមួយឈ្មោះប៊ុន សុផាត ជាអ្នកទទួលប្រាក់ចំនួន៦០•០០០០ដុល្លា លោកឈុន សារឿន បានបញ្ជាក់ថា លោកទទួលប្រាក់លើកទី៣,លើកទី៤,លើកទី៥ សរុប១៦០,០០០ដុល្លា ក្នុងរង្វង់ទឹកប្រាក់ទាំងដើម ទាំងចំនិញចំនួន៥១៨,៧០០ដុល្លា។ ក៏ប៉ុន្តែលោកឈុន សារឿន ខ្លួនលោកផ្ទាល់លោកទទួលបានតែ១៦០,០០០ ដុល្លា ហើយត្រូវបានលោកប៊ុន សុផាត ប្តឹងចោទ និងផ្សព្វផ្សាយបរិហាកេរ្ត៍ជាសាធារណៈខ្វះការពិត គ្មានសំអាងហេតុច្បាស់លាស់ដែលជាហេតុធ្វើអោយលោកមិនអាចទទួលយកបានឡើយ ៕
