តាកែវ ÷ ទីតាំងល្បែងមាន់ជល់អនឡាញ បច្ចុប្បន្ននេះត្រូវបានគេមើលឃើញថា កើតមានស្ទើរតែគ្រប់ហាងកាហ្វេ តារាងបាល់នៅក្នុងក្រុងដូនកែវ ជាពិសេស ទីតាំង០៣កន្លែង បង្កប់ក្នុងហាងកាហ្វេ គ្មានយីហោ នៅក្នុងសង្កាត់រកាក្រៅក្រុងដូនកែវខេត្តតាកែវ។ ដោយមានសំឡេងអ្នកលេង ហ៊ោរកញ្ជ្រៀវអឺងកង ប៉ុន្តែសំឡេងទាំងនោះ មិនបានប៉ះដល់ត្រចៀកអាជ្ញាធរ និងសមត្ថកិច្ចនោះឡើយ។
ទីតាំងទី១/បង្កប់ក្នុងហាងកាហ្វេ គ្មានយីហោ ភូមិត្រពាំងអង្គសង្កាត់រកាក្រៅក្រុងដូនកែវ ខេត្តតាកែវ ជិតសាលាសង្កាត់រកាក្រៅ ប្រហែល១៥០ម៉ែត។
ទីតាំទី២/បង្កប់ក្នុងហាងកាហ្វេយាយតា ស្ថិតក្នុងភូមិថ្នល់បែកសង្កាត់រកាក្រៅក្រុងដូនកែវខេត្តតាកែវ។
ទីតាំងទី៣/បង្កប់ក្នុងហាងកាហ្វេស្ថិតនៅភូមិថ្នល់បែកសង្កាត់រកាក្រៅក្រុងដូនកែវខេត្តតាកែវ។
ទីតាំទី៤/បង្កប់នៅក្នុងតារាងបាល់ខាងជើងក្លោងទ្វារវត្តតុំស្ថិតនៅភូមិតុំសង្កាត់រកាក្រៅក្រុងដូនកែវខេត្តតាកែវ។
ទីតាំងទី៥/បង្កប់ក្នុងតារាងបាល់ខាងកើតក្លោងទ្វារវត្តតុំ ស្ថិតនៅក្នុងភូមិតុំសង្កាត់រកាក្រៅក្រុងដូនកែវខេត្តតាកែវ។
បើតាមសេចក្តីរាយការណ៍ ល្បែងជល់មាន់អនឡាញតាមលីបថបដ៏ពេញនិយមទាំងនោះ គឺមានលេងភ្នាល់ប្រាក់ រាប់ម៉ឺន លានរៀល ក្នុងមួយថ្ងៃៗ បើតាមពិតទៅ ទីតាំងល្បែងទាំងនោះ គេមិនដែលឃើញមានអាជ្ញាធម៌ឬសមត្ថកិច្ចចុះធ្វើការចុះបង្ក្រាបឡើយ។
បើតាមប្រភពខ្លះថា បើមិនមានអាជ្ញាធរមានសមត្ថកិច្ចបើកភ្លើងខៀវឲ្យទេ ពួកមេល្បែងទាំងអស់នោះ ក៏មិនហ៊ានបើកលេងយ៉ាងនេះដែរ នេះគឺជាឆ្នាំងបាយរបស់អាជ្ញាធរមានសមត្ថកិច្ចនៅក្នុងមូលដ្ឋាន។
គួរបញ្ជាក់ថា ដើម្បីធានាឲ្យជនគ្រប់រូប និងសង្គមទាំងមូលមានសុវត្ថិភាពយ៉ាងល្អប្រសើរ ជីវភាពរុងរឿង និងសុខដុមរមនា រាជរដ្ឋាភិបាលកម្ពុជាបានសម្រេចដាក់ចេញនូវគោលនយោបាយ ភូមិ ឃុំ សង្កាត់ មានសុវត្ថិភាព ចំនួន៧ចំណុច ដែលក្នុងនោះក៏រួមមានគ្មានបទល្មើស លួច ឆក់ ប្លន់ គ្រឿងញៀនល្បែងស៊ីសងខុសច្បាប់ និងបទល្មើសគ្រប់ប្រភេទ។
ដូច្នេះប្រសិនបើអាជ្ញាធរ ក៏ដូចជាសកក់មត្ថកិច្ចមូលដ្ឋាន មិនព្រមធ្វើការបង្ក្រាបល្បែងស៊ីសងនៅក្នុងមូលដ្ឋាន របស់ខ្លួននោះទេ
គឺបង្ហាញយ៉ាងច្បាស់ថា អាជ្ញាធរនិងសមត្ថកិច្ចមូលដ្ឋានទាំងនោះ មានការឃុបឃិតបើកភ្លើងខៀវជាប្រព័ន្ធ ដើម្បីលាភសក្ការៈ ដាក់ហោប៉ៅ រាងៗខ្លួន ដោយពុំបានអនុវត្តគោលនយោបាយ ដែលរាជរដ្ឋាភិបាលដាក់ចេញនោះទេ។
សម្តេច តេជោហ៊ុនសែន មានប្រសាសន៍ថា អភិបាលស្រុក ខណ្ឌ ក្រុង ឬមន្ត្រីនគរបាលថ្នាក់ណាក៏ដោយ ដែលរកឃើញថា មិនទទួលខុសត្រូវ លើមុខងាររបស់ខ្លួន ពិសេសលើទីតាំងបនល្បែងសុីសងខុសច្បាប់ ចាំបាច់ត្រូវតែបិទ វាមិនមែនជាកំណើនសេដ្ឋកិច្ចនោះទេ និងត្រូវតែសហការជាមួយអ្នកសារព័ត៌មាន នៅពេលដែលព័ត៌មានចុះផ្សាយ បើមិនដូច្នេះទេ និងត្រូវប្រឈមការបាត់បង់តួនាទីរបស់ខ្លួន ។
ពាក់ព័ន្ធនឹងទីតាំងល្បែងស៊ីសងខាងលើនេះ
លោកសាន សុផលនាយប៉ុស្តិ៍នគរបាលសង្កាត់រកាក្រៅបានឲ្យដឹងតាមទូរសព្ទថា ពួកហ្នឹងមានច្បាប់ឯណា មានតែបិទពួកយើងទៅមើលមានតែឡូតូអីហ្នឹងមានមាន់ជល់ឯណា ឥឡូវខ្ញុំជាប់រវល់ទៅប្រជុំនៅវត្តុង ព្រោះ ឯកឧត្តម ហ៊ី ងប៊ុនហ៊ាង គាត់មក ។
ចំណែកលោកឥន មណ្ឌល អធិការក្រុងដូនកែវបានឲ្យអ្នកព័ត៌មានយើងដឹងថា..អាពួកអស់ហ្នឹងមានគេផ្ដល់ព័ត៌មានឱ្យខ្ញុំដែរ។តែខ្ញុំរកមិនទាន់ឃើញចាំមើលលោកស្រាវជ្រាវបន្តទៀតមើល លោកបន្តថា លោកចេញពីប្រជុំលោកធ្វើហើយយើងទៅជាស៊ីវិលឬជាសមត្ថកិច្ចវាធ្លាប់ស្គាល់យើងគឺវាបិទក្រឹបគឺវាមិនខ្លាចទេធ្វើមិនដឹង យើងចង់ស្រាវជ្រាវរកអាមេវាហ្នឹង។បើយើងទៅទាន់យើងរកភស្តុតាងបានចាប់ហើយបញ្ជូនទៅតុលាការ យ៉ាងម៉េចយ៉ាងម៉េចចាំយើងនិយាយគ្នានៅពេលក្រោយទៀត។
ប្រជាពលរដ្ឋនិងមន្ត្រីរាជការមួយចំនួនដាក់ការសង្ស័យថារឿងល្បែងស៊ីសងខាងលើនេះលោកមេប៉ុស្តិ៍និងលោកអធិការក្រុងដូចជាធ្វើពើមិនដឹងអ្វីទាំងអស់នៅក្នុងទឹកដីរបស់លោកកាំកាប់ដែលមានបើកល្បែងស៊ីសងនៅក្នុងទឹកដីរបស់ខ្លួន។ប្រភពខាងលើបានបន្តថាបើគ្មានការបើកភ្លើងខៀវពីរអាជ្ញាធរមូលដ្ឋានទេពួកមេល្បែងទាំងនោះមិនហ៊ានបើកលេងដោយគគ្រឹកគគ្រេងតាមរោងកាហ្វេតារាងបាល់បានដែរ។
ទោះយ៉ាងណាក៏ដោយ ពលរដ្ឋនិងមហាជនស្នើ ដល់លោកឧត្តមសេនីយ៍ទោ ឈៀង ផាន់ណារ៉ាស្នងការខេត្តតាកែវ ជាពិសេស ឯកឧត្តមអ៊ូចភាអភិបាលនៃគណៈអភិបាលខេត្តតាកែវ ដាក់កម្លាំងចុះស៊ើបអង្កេតនិងបង្ក្រាបទីតាំងល្បែងស៊ីសងខាងលើនេះផង ដើម្បីភូមិឃុំមានសុវត្ថិភាព ឱ្យមានប្រសិទ្ធភាពខ្ពស់ជូនប្រជាពលរដ្ឋក្នុងមូលដ្ឋាន៕
ដោយអ្នកស្រីត្រេន ស្រីមុំ
