កំពត ៖ ការដេញថ្លៃលើគម្រោងមូលនិធិឃុំសង្កាត់ក្នុងស្រុកអង្គរជ័យនិងស្រុកបន្ទាយមាសខេត្តកំពត បាននិងកំពុងធ្វើអោយក្រុមអ្នកទទួលការមួយចំនួន រីករាយ និងការកើបលុយ និងកេងចំណេញលើថវិការរបស់ជាតិ ខណៈដែលក្រុមអ្នកទទួលការទាំងនោះ បាននឹងកំពុងឃុបឃិតគ្នា ដេញថ្លៃឡើង ប្រហាក់ប្រហែល និងតម្លៃប៉ាន់ស្មាន ដែលកំណត់ដោយមន្ត្រីបច្ចេកទេសទីចាត់ការផែនការវិនិយោគ ចំពោះគម្រោង ផ្លូវគ្រោះក្រហម សាងសង់ប្រឡាយជាដើម ដើម្បីជាថ្នូរនិងលុយទឹកតែ១០% ដែលក្រុមអ្នកទទួលការដេញថ្លៃបាន ធ្វើការបែងចែកអោយទៅអ្នកទទួលការដូចគ្នា ដែលមកចូលរួមដេញថ្លៃ តែមិនបានដេញថ្លៃចុះដើម្បីប្រកួតប្រជែងឡើយ ។ ហើយអ្វីដែលជារឿងនឹកស្មានមិនដល់នោះ គេសង្កេតឃើញថា ក្រុមអ្នកទទួលការ ចំនួន៥ក្រុមហ៊ុន។
ទី១ # កាលពីថ្ងៃទី៣០ខែមីនាឆ្នាំ ២០២៣វេលាម៉ោង៩.០០ព្រឹកនៅសាលាឃុំភ្នំអង្គតូច មានការបើកសំណើដាក់ឲ្យដេញថ្លៃលើគំរោងផ្លូវគ្រោះក្រហមចំនួន៣ ខ្សែ មានតម្លៃប៉ាន់ស្មាន ៨៣.៧៦៤.០៥៧រៀល ត្រូវបានទៅលើ ឈ្មោះអាន់លីណា ក្រុមហ៊ុន( អាន់លីណា )ដែលដាក់តម្លៃដេញចំនួន៧៩.១១០.០០០រៀលគត់ប្រហាក់ប្រហែលនិងតម្លៃប៉ាន់ស្មាន។
ទី២ # កាលពីវេលាម៉ោង៩.០០ នាទីព្រឹកថ្ងៃទី៣១ខែមីនានៅសាលាស្រុកបន្ទាយមាសក៏មានការបើកសំណើដាក់ឲ្យដេញថ្លៃលើគំរោងមូលនិធិឃុំសង្កាត់ចំនួន២ឃុំគឺ ឃុំសំរោងក្រោមនិងឃុំត្រពាំងសាលាខាងកើត។
១/ឃុំសំរោងក្រោមមានគម្រោងផ្លូវគ្រោះ
ក្រហមចំនួន៥ ខ្សែ មានតម្លៃប៉ាន់ស្មាន ១៨២.៩៥៧.៧៣៦រៀល បានទៅលើឈ្មោះផង់ សុភាព ក្រុមហ៊ុន(សំណង់សុភាព)ដែលដាក់តម្លៃដេញចំនួន១៧១.៥០០.០០០រៀល ប្រហាក់ប្រហែលនិងតម្លៃប៉ាន់ស្មាន។
២/សាលាឃុំត្រពាំងសាលាខាងកើតមានគម្រោងផ្លូវគ្រោះក្រហម៥.៧៥គម
មានតម្លៃប៉ាន់ស្មាន ២០៥.៦៧៤.៥៥១រៀល បានទៅឈ្មោះហ៊ រ៉ូប៊ី ក្រុមហ៊ុន ( រ៉ូប៊ី មានលាភ)ដាក់តម្លៃដេញ១៩១.៥០០០០០រៀល ប្រហាក់ប្រហែលនិងតម្លៃប៉ាន់ស្មាន។
កាលរសៀលម៉ោង២.០០ នាទីថ្ងៃទី៣១ខែមីនានៅសាលាស្រុកបន្ទាយមាសដដែលក៏មានការបើកសំណើដាក់ឲ្យដេញថ្លៃលើគំរោងមូលនិធិឃុំសង្កាត់ចំនួន២គម្រោងក្នុងឃុំបន្ទាយមាសខាងកើតផងដែរ។
ទី១/ គម្រោងជួសជុលផ្លូវគ្រោះក្រហមប្រវែង០.៤៥គម.ទទឹង៤ម សំណង់លូមូលទោលកាត់ផ្លូវអង្កត់ចិត្ត១ម ប្រវែង៦ម ចំនួន១កន្លែងនិងស្លាកសញ្ញាគម្រោងចំនួន១កន្លែងស្ថិតនៅភូមិក្រសាំងលើ មានតម្លៃប៉ាន់ស្មាន ៣២.១៦១.៥៥០រៀល បានទៅលើឈ្មោះកែវដានី ក្រុមហ៊ុន(កែវដានី)ដាក់តម្លៃដេញ ៣០.៥០០០០០រៀល ប្រហាក់ប្រហែលនិងតម្លៃប៉ាន់ស្មាន។
ទី២/គម្រោងសាងសង់ប្រឡាយដី៣ខ្សែ÷
សរុបមានប្រវែង២គម មានតម្លៃប៉ាន់ស្មាន១៧១.៣៩៨.៤៨៩ រៀល បានទៅលើឈ្មោះយី សែប ក្រុមហ៊ុន( យី សែប) ដាក់ដេញថ្លៃចំនួន ១៦០.៤០០០០០ រៀល ប្រហាក់ប្រហែលនិងតម្លៃប៉ាន់ស្មានដូចគ្នា ។
បើប្រៀបធៀបការដេញថ្លៃនៅសាលាឃុំកំពង់ក្រែងស្រុកទឹកឈូនិងសាលាសង្កាត់អណ្ដូងខ្មែរ ក្រុងកំពត កាលពីព្រឹកថ្ងៃទី ៣០ខែមីនានោះដែរ ១/ សាលាឃុំកំពង់ក្រែងមានគម្រោងធ្វើការដាក់ឲ្យដេញថ្លៃផ្លូវបេតុងអាម៉េ១ខ្សែប្រវែង០.២៥គម មានតម្លៃប៉ាន់ស្មាន១៦៣លានជាង ដាក់ដេញចុះតម្លៃសល់តែ ៧២លានតែប៉ុណ្ណោះ
២/សាលាសង្កាត់អណ្ដូងខ្មែរមានគម្រោងដាក់ឲ្យដេញថ្លៃផ្លូវបេតុងអាមេមួយខ្សែប្រវែង០.៤គម មានតម្លៃប៉ាន់ស្មាន៣០៨ជាង ដេញចុះសល់តម្លៃតែ៨៤លានរៀលទេ នេះគឺជាការប្រកួតប្រជែងដេញថ្លៃមានកម្លាភាពយុត្តិធម៌ត្រឹមត្រូវ គ្មានការឃុបឃិតនិងស៊ុមគ្រលុំគ្នាឡើយ។
ប្រជាពលរដ្ឋបានស្នើសុំទៅអង្គភាពប្រឆាំងអំពើពុករលួយ ស្នើសុំអោយមានការពិនិត្យឡើងវិញលើគម្រោងទាំង៥ខាងលើនេះផង គឺក្រុមហ៊ុនទាំងនេះនៅតែបន្តប្រើវិធីសាស្ត្រដ៏ដែលៗ កេងចំណេញថវិការរបស់ជាតិ យកលុយចែកគ្នាស៊ីដូចកាលព្រឹកថ្ងៃទី៣០នៅសាលាឃុំភ្នំអង្គតូចស្រុកអង្គរជ័យនិងថ្ងៃទី ៣១ខែមីនាឆ្នាំ២០២៣ទាំងព្រឹកទាំងរសៀល នៅសាលាស្រុកបន្ទាយមាសនេះ ក្រុមហ៊ុនខាងលើបានដេញថ្លៃលើគម្រោង ដែលគិតជាថវិការសរុបចំនួន ៥៣៣.០១០០០០ រៀល (ប្រាំរយសាមសិបបីលានសូន្យសែនមួយមុឺនរៀល)។
ប្រជាពលរដ្ឋដែលបានចូលរួមក្នុងការដេញថ្លៃខាងលើ បានលើកឡើងថា ដំណើរការដេញថ្លៃនៅក្នុងឃុំសង្កាត់ខាងលើ គឺជាវិធីចងមុងដេញថ្លៃ ខ្សឹមខ្សាវឃុបឃិតនិងស៊ុមគ្រលំគ្នាជាមួយក្រុមហ៊ុនផ្សេងៗដែលមកចូ១លរួមប្រកួតប្រជែងដាក់ដេញថ្លៃក្រុមឆហ៊ុនទាំងនេះ មុននឹងដាក់សំណើរដេញថ្លៃ ពួកគេ ជជែករឿងទឹកតែ ជាថ្នូរមិនអោយក្រុមហ៊ុនទាំងនោះចូលដាក់ដេញថ្លៃ ។ ហើយថ្លៃទឹកតែឃុបឃិតស៊ុគ្រលំគ្នាគឺ ពួកគេបានកាត់១០% សំរាប់ក្រុមហ៊ុនដែលចូលមកធ្វើការប្រកួតប្រជែង និង ១០%ទៀតសម្រាប់បែងចែកបន្តទៅថ្នាក់លើ នៃ គម្រោងថវិកាជាតិរបស់ឃុំសង្កាត់។
ប្រជាពលរដ្ឋដដែលបាននិយាយទៀតថា បើសិនជានៅតែមិនមានវិធានការទប់ស្កាត់ពីមន្ត្រីជំនាញ និងអាជ្ញាធរខេត្តទេនោះ មិនដឹងជាថវិការជាតិរាប់រយរាប់ពាន់លាន ត្រូវបានបាត់បង់ដោយសារការឃុបឃិតគ្នាស៊ុមគ្រលំនិងគ្នាដោយក្រុមអ្នកទទួលការខាងលើនោះទេ ព្រោះរឿងដដែលៗនេះនៅតែបន្តកើតមានជារៀងរហូត ។ដោយអ្នកស្រីត្រេន ស្រីមុំ
