ខេត្តសៀមរាប÷ ពិតជាហ៊ានមែន!បទបញ្ជារបស់សម្ដេចបវរធិបតីអោយបិតបនល្បែងខុសច្បាប់ទូទាំងប្រទេសថ្មីៗសោះស្រាប់តែថៅកែបនល្បែងស្រីស្អាតឈ្មោះរីណាហៅ(ចែពៅ)ហ៊ានផ្គើននិងកំពុងឱ្យបើកដំណើការទីតាំងបនល្បែងមាន់ជល់អនឡាញជាច្រើនកន្លែងទី ១ ស្ថិតនៅភូមិតាវៀនសង្កាត់សាលាកំរើកទី 2ភូមិបឹងដូនប៉ាសង្កាត់ស្លរក្រាមទី ៣និងទី ៤ស្ថិតនៅភូមិត្រពាំងសេះសង្កាត់គោកចកនិងទីតាំងរាប់សិបកន្លែងទៀតដែលស្ថិតនៅក្រុងសៀមរាបខេត្តសៀមរាបដោយក្រុមការងារយើងមិនទាន់បានរៀបរាប់កំពុងជ្រកក្រោមស្លាកហាងកាហ្វេគុយទាវបើកលេង ភ្នាល់ឡើងវិញយ៉ាងអាណាធិបតេយ្យបើទោះបីជាក្នុងអំឡុងខែកុម្ភៈឆ្នាំ ២០២៤នាពេលកន្លងទៅថ្មីៗនេះសម្ដេចបវរធិបតីហ៊ុនម៉ាណែតនាយករដ្ឋមន្ត្រីថ្មីនៃព្រះរាជាណាចក្រកម្ពុជានៃអាណត្តិទី ៧ នេះ។បានបង្កើតក្រុមការងារស្ដីអំពីការត្រួតពិនិត្យនិងបង្ក្រាបល្បែងស៊ីសងខុសច្បាប់ទូទាំងប្រទសយ៉ាងនេះក្តី!យើងក្រឡេកមកមើលទីក្រុងសៀមរាបវិញម្ដងបច្ចុប្បន្នបនល្បែងប្រភេទមាន់ជល់អនឡាញកំពុងផ្ទុះឡើងវិញយ៉ាងគក្លើនដោយមិនមានអាជ្ញាធរឬសមត្ថកិច្ចជំនាញណាហ៊ានចេញមុខបង្ក្រាបឡើយរីឯលោកឧត្តមសេនីយ៏ទោតេងចន្ទណាតស្នងការនគរបាលខេត្តខេត្តសៀមរាបនិងឯកឧត្តមប្រាក់សោភ័ណ្ឌអភិបាលខេត្តនៅរក្សាភាពស្ងៀមស្ងាត់នៅឡើយឬមួយលោកទាំងទ្វេមិនទាន់បានស្ដាប់ឰនូវអនុសាសន៍របស់សម្ដេចបវរធិបតីដីឬមួយយ៉ាងណា?។
ប្រភពពីប្រជាពលរដ្ឋដែលរស់នៅក្រុងសៀមរាបបានឲ្យដឹងថាបច្ចុប្បន្នល្បែងស៊ីសងប្រភេទមាន់ជល់អនឡាញកំពុងរីករាលដាលគួរឱ្យកត់សម្គាល់។ប្រភពដ៏ដែលនោះបានបន្តថាជារៀងរាល់ថ្ងៃគេឃើញមានប្រជាពលរដ្ឋខ្មែរជាច្រើននាក់មកពីគ្រប់ទីកន្លែងដែលជាអ្នកញៀនល្បែងបានប្រមូលផ្ដុំគ្នាទៅលេងចាក់ភ្នាល់ល្បែងស៊ីសងមាន់ជល់អនឡាញកំពុងវិវត្តន៍ជិតដល់កាំជណ្ដើរផ្ទះប្រជាពលរដ្ឋស្ថិតនៅភូមិសង្កាត់ខាងលើហើយបនល្បែងស៊ីសងប្រភេទមាន់ជល់អនឡាញនេះគេល្បីថាមេក្លោងជាស្ត្រីដែលមានរូបសម្រស់ស្រស់ត្រកាលជាទីគយគន់នៃអ្នកផងទាំងឡាយទាំងពួងឈ្មោះរីណាហៅ(ចែពៅ)ជាម្ចាស់កម្មសិទ្ធិនិងមានខ្សែខ្នងធំណាស់រហូតជិតដល់ឋានត្រៃត្រឹងឯណុះ។
ករណីបើកបនល្បែងស៊ីសងប្រភេទមាន់ជល់អនឡាញជាច្រើនកន្លែងខាងលើត្រូវបានគេដាក់ការសង្ស័យថាអាចមានការត្រូវរូវគ្នាជាមួយលោកវរៈសេនីយ៍ឯកដាចំរើនអធិការនគរបាលក្រុងសៀមរាបនិងលោកនួនពុទ្ធារ៉ាអភិបាលក្រុងសៀមរាបនោះទេបនល្បែងខាងលើមិនអាចប្រព្រឹត្តបានជាដាច់ខាត។ឬមួយក៏លោកទាំងពីអង្គាខ្លាចអំណាចថៅកែបនល្បែងដែលជានារីមានសម្ផស្សឆោមលោមពណ៌ឆើតឆាយរូបនេះ!ប្រសិនបើដូច្នេះមែនតើបទបញ្ជារបស់ប្រមុខរាជរដ្ឋាភិបាលអាណត្តិទី ៧ដែលបានដាក់ចុះដើម្បីអនុវត្តនាពេលកន្លងមកថ្មីៗនេះទៅជាយ៉ាងណា?។
ជុំវិញករណីខាងលើក្រុមការងារអង្គភាពសារព័ត៌មានយើងមិនអាចសុំការបំភ្លឺពីលោកវរៈសេនីយ៍ឯកដាចំរើនអធិការនគរបាលក្រុងសៀមរាបបានទេរីឯលោកនួនពុទ្ធារ៉ាចៅហ្វាយក្រុងសៀមរាបភ្នាក់ងារយើងក៏មិនអាចសុំសេចក្តីអត្ថាធិប្បាយបានដែរនៅព្រឹកថ្ងៃទី ១ខែមេសាឆ្នាំ ២០២៤ នេះដោយក្រុមការងារយើងទាក់ទងតាមប្រព័ន្ធតេឡេក្រាមជាច្រើនដងតែទូរសព្ទ័តែមិនអាចទំនាក់ទំនងបាន។បើទោះបីយ៉ាងនេះក្តីប្រជាពលរដ្ឋរស់នៅក្រុងសៀមរាបខេត្តសៀមរាប។សូមស្នើទៅលោកឧត្តមសេនីយ៍ទោស្នងការនគរបាលនិងឯកឧត្តមប្រាក់សោភ័ណ្ឌអភិបាលខេត្តសៀមរាបមេត្តាជួយត្រួតពិនិត្យនិងបង្ក្រាបបទល្បែងខាងលើឱ្យទាន់ពេលវេលាផងទាន!ដោយស្របតាមគោលនយោបាយរបស់ប្រមុខរាជរដ្ឋាភិបាលនៃអាណត្តិទី ៧ នេះដែលមានសម្ដេចបវរធិបតីហ៊ុនម៉ាណែតជាប្រមុខផងនោះ៕
