(ខេត្តតាកែវ) ៖ ដីបឹងអូរចំបក់ ដែលជាបឹងដ៏បូរាណមួយ នៅក្នុងទឹកដីក្រុងដូនកែវ ត្រូវបានក្រុមឈ្មួញអ្នកមានលុយមានអំណាចចាក់អាចម៍ដីរំលោភយកម្ដងហើយម្ដងទៀតកំពុងនឹងប្រឈមនិងការបាត់បង់នាថ្ងៃអនាគតជាក់ជាមិនខាន ។
បើទោះបីជាសម្តេចតេជោអតីតនាយករដ្ឋមន្ត្រីនិងជាប្រធានព្រឹទ្ធសភានាពេលបច្ចុប្បន្ននៃប្រទេសកម្ពុជាធ្លាប់ព្រមានចាត់ការអ្នកឃុបឃិតគ្នារំលោភយកដីរដ្ឋនិងបានចេញបញ្ជាអោយស្ថាប័ននិងក្រសួងពាក់ព័ន្ធចុះស្រាវជ្រៀវវែងមុខជនខិលខូចដែលទន្ទ្រានកាន់កាប់ដីព្រៃលិចទឹកក្នុងតំបន់បឹងទន្លេសាបជាសម្បត្តិសាធារណៈកាលពីថ្ងៃទី២៨ខែវិច្ឆិកាឆ្នាំ២០២១កន្លងទៅហើយវិធានការក្តៅនេះត្រូវបានអនុវត្តនិងឃាត់ខ្លួនអ្នកដែលពាក់ព័ន្ធយកមកចាត់ការតាមផ្លូវច្បាប់អ្នកខ្លះក៏បានប្រគល់ដីជូនរដ្ឋវិញហើយអ្នកទៀតក៏កំពុងលាក់បាំងមិនព្រមចូលសារភាពនៅឡើង។
ទន្ទឹមនិងរឿងរ៉ាវរំលោភយកដីរដ្ឋខាងលើនេះយើងក្រឡេកមកមើលដីបឹងអូរចំបក់ដែលស្ថិតនៅភូមិចក់សង្កាត់រកាក្នុងក្រុងដូនកែវខេត្តតាកែវឯនេះវិញ។បច្ចុប្បន្នត្រូវបានក្រុមអ្នកមានលុយនិងមានអំណាចឃុបឃិតគ្នាទន្ទ្រានកាន់កាប់និងប្រម៉ូលទិញលក់យ៉ាងអនាធិបតេយ្យរឺឯអាជ្ញាធរក្រុងខេត្តនៅរក្សាភាពស្ងៀមស្ងាត់មិនទាន់មានវិធានការនៅឡើយ។
ប្រភពបានបង្ហើបថាក្រុមឈ្មួញដែលទន្ទ្រានកាន់កាប់ដីបឹងអូរចំបក់ជាសម្បត្តិរដ្ឋដើម្បីយកមកធ្វើកម្មសិទ្ធបុគ្គលខ្លួននោះសុទ្ធសឹងតែជាអ្នកមានលុយនិងមានអំណាចនឹងគេល្បីថាមានបុរសម្នាក់ឈ្មោះណិបវិបុលជាអនុប្រធានភូមិបាលក្រុងដូនកែវ។
បើទោះបីជាមានការចោទប្រកាន់យ៉ាងនេះក្តីក្រុមការងារអង្គភាពផ្សារព័ត៌មានយើងនៅមិនទាន់អាចសុំការបំភ្លឺពីលោកណិបវិបុលបាននៅឡើយទេនៅរសៀលថ្ងៃទី ១៨ខែកក្កដាឆ្នាំ ២០២៤នេះដោយទូរសព្ទខលចូលជាច្រើនដងមិនមានអ្នកទទួលចំណែកលោកកងអាណាន់អភិបាលក្រុងដូនកែវបានបញ្ជាក់ថាបើចង់ដឹងច្បាស់សូមអញ្ជើញអ្នកកាសែតមករដ្ឋបាលក្រុងមកហើយរឿងនេះលោកធ្លាប់បានចាត់ការរួចហើយអស់ដែរលោកបញ្ជាក់បន្ថែមថាដីទីតាំងដែលចាក់អាចម៍ដីលើបឹងនោះគឺគេមានប្លង់ត្រឹមត្រូវ។
បន្ទាប់ពីមានការបកស្រាយដូច្នេះពលរដ្ឋដែលរស់ក្នុងតំបន់នោះបានសម្ដែងការហួសចិត្តថាពួកគាត់ដែលមានដីជាប់នឹងបឹងអូរចំបក់នោះពុំមាននរណាម្នាក់អាចទទួលបានបានប័ណ្ណម្មសិទ្ធិរឺទទួលស្គាល់ពីអាជ្ញាធរឡើយ។តើហេតុអ្វីលោកអនុប្រធានភូមិបាលក្រុងតាកែវខាងលើត្រូវបានអាជ្ញាធរទទួលស្គាល់និងចេញបានកម្មសិទ្ធិឲ្យពិតជាមានលក្ខណៈពិសេសពេកហើយឬមួយនៅកម្ពុជាការអនុវត្តច្បាប់មានស្តង់ដារពីររវាងពលរដ្ឋសាមញ្ញក្រីក្រនិងអ្នកមានលុយនិងមានអំណាច។
គេមិនទាន់ដឹងថាជុំវិញការរំលោភដីបឹងអូរចំបក់និងបន្តវត្តរបងបម្រុងនិងចាក់អាចដីលុបបន្ថែមទៀត។យ៉ាងកក្លើនដែលជាសម្បត្តិរដ្ឋសាធារណៈនោះតើស្អែកឧត្តមវីសំណាងអភិបាលខេត្តតាកែវទើបមកកាន់តំណែងថ្មីនិងជាប្រធានគណៈកម្មាធិការគ្រប់គ្រងដីរដ្ឋថ្នាក់ខេត្តបានដឹងរឿងរ៉ាវនោះដែរឬយ៉ាង។
ជុំវិញករណីខាងលើក្រុមការងារអង្គភាពសារព័ត៌មានយើងបានធ្វើការទំនាក់ទំនងតាមទូរសព្ទទៅលោកហួរប៊ុនលីមប្រធានការិយាល័យរៀបចំដែនដីនគររូបនីយកម្មសំណង់និងភូមិបាលក្រុងដូនកែវក៏ប៉ុន្តែខលចូលជាច្រើនដងមិនមានអ្នកទទួលទូរសព្ទ។
ចំណែកលោក ប៊ុន ហួរ ប្រធានមន្ទីរធនធានទឹកនិងឧតុនិយមខេត្តតាកែវបានបញ្ជាក់ថាចាំថ្ងៃស្អែកលោកនឹងចាត់កូនចៅឲ្យទៅពិនិត្យមើលនឹងបានបន្ថែមថាទីតាំងខាងលើនោះសូម្បីតែវត្តក៏បានសាងសង់លើបឹងអូរចំបក់នោះដែរធ្វើឱ្យមានបាតុភាពយ៉ាងខ្លាំង៕
