(ខេត្តបន្ទាយមានជ័យ) ៖ ករណីនាំពលករឆ្លងដែនខុសច្បាប់ទៅប្រទេសថៃតាមច្រករបៀងនានាដែលស្ថិតនៅក្នុងដែនសមត្ថកិច្ចប៉ុស្តិ៍នគរបាលការពារព្រំដែនចំបក់ក្រោមការគ្រប់គ្រងវដោយវរះសេនាតូចនគរបាលការពារព្រំដែនលេខ ៨១៥នៅតែកើតមានឡើងជាបន្តបន្ទាប់ខណៈពេលឧក្រិដ្ឋជនជាមេខ្យល់រួចខ្លួនបង្ក្រាបបានតែពលករស្លូតត្រង់ករណីនេះត្រូវបានគេដាក់ការសង្ស័យថានេះគឺជាការលេងល្បែងស្ពិនភ្នែករបស់លោកលោកវរៈសេនីយ៍ត្រីប៑ុនគុណនាយប៉ុស្តិ៍នគរបាលការពារព្រំដែនចំបក់រីឯលោកវរសេនីយ៍ឯកសួងសៅមេបញ្ជាការនគរបាលវរៈការពារព្រំដែនលេខ ៨១៥កំពុងទស្សនានិងរក្សាភាពស្ងៀមស្ងាត់។
ជាក់ស្ដែងកាលពីថ្ងៃទី ១១ ខែតុលាឆ្នាំ ២០២៤មានករណីរត់ពន្ធមនុស្សខុសច្បាប់ឆ្លងដែនទៅប្រទេសថៃតាមច្រករបៀបទល់មុខមណ្ឌលសុខភាពបឹងបេងដែលស្ថិតនៅភូមិល្វាឃុំបឹងបេងស្រុកម៉ាឡៃខេត្តបន្ទាយមានជ័យតែករណីឆ្លងដែនខុសច្បាប់នោះត្រូវបានកម្លាំងសមត្ថកិច្ចនគរបាលការពារព្រំដែនប៉ុស្តិ៍ចំបក់ទប់ស្កាត់និងបង្ក្រាបបានមនុស្សចំនួន ៥ នាក់ដែលជាពលករស្លូតត្រង់ដោយឡែកឧក្រិដ្ឋជន្មជាមេខ្យល់ត្រូវបានរត់គេចខ្លួនរួចបើទោះបីជាសមត្ថកិច្ចតាមប្រផាប់ចាប់ប្រភីញនឹងស្គាល់អត្តសញ្ញាណយ៉ាងណាក្តីក៏ជននោះមិនត្រូវបានចាប់ខ្លួនឡើយមកដល់ថ្ងៃទី ១៣ ខែតុលាឆ្នាំ ២០២៤នេះមេខ្យល់ដែលនាំមនុស្សឆ្លងដែនខុសច្បាប់ខាងលើនោះត្រូវបានគេស្គាល់ឈ្មោះទែនទូចប្រុសនិងមានមេកើយគេម្នាក់ទៀតឈ្មោះងុិជាមេខ្យល់ធំដុះស្លែជាច្រើនឆ្នាំមកហើយក្នុងតំបន់នោះ។
សេចក្តីរាយការណ៍ជាបន្តបន្ទាប់បានប្រាប់អង្គភាពសារព័ត៌មានយើងឱ្យដឹងថាស្ទើរតែរាល់ថ្ងៃគេឃើញមានពលករឆ្លងដែនខុសច្បាប់ទៅប្រទេសថៃតាមច្រករបៀងនានាដែលស្ថិតក្នុងការគ្រប់គ្រងរបស់លោកប៑ុនគុណនាយប៉ុស្តិ៍នគរបាលការពារព្រំដែនចំបក់ចំណែកលោកវរៈសេនីយ៍ឯកសួងសៅមេបញ្ជាការវរៈនគរបាលគេការពារព្រំដែនលេខប្រាំបី ៨១៥ បានត្រឹមឈរអោបដៃមើលតែប៉ុណ្ណោះ។
ប្រជាពលរដ្ឋដែលរស់នៅក្នុងស្រុកម៉ាឡៃបានលើកឡើងថាករណីរត់ពន្ធមនុស្សខុសច្បាប់ឆ្លងដែនទៅប្រទេសថៃយ៉ាងគក្លើនត្រូវបានគេដាក់ការសង្ស័យថាអាចមានការឃុបឃិតត្រូវរូវគ្នាពីសំណាក់សមត្ថកិច្ចដែលឈរជើងនៅទីនោះទេបទល្មើសខាងលើមិនអាចប្រព្រឹត្តបានជាដាច់ខាត។ពលរដ្ឋរស់នៅក្នុងតំបន់កំពុងរង់ចាំមើលចំណាត់ការរបស់សមត្ថកិច្ចទៅលើឈ្មោះទែនទូចប្រុសនិងមេកើយគេម្នាក់ទៀតឈ្មោះងុិជាមេឧក្រិដ្ឋជននិងជាមេខ្យល់រត់ពន្ធមនុស្សខុសច្បាប់ទៅប្រទេសថៃអាចគេចផុតពីសំណាញ់ច្បាប់ដែលឬមួយយ៉ាងណា?បានជាមកដល់ម៉ោងនេះទៅហើយជនទាំងពីរនៅតែមានសេរីភាពនិងដើរហើយយ៉ាងរំភើយ។
ក្រុមអ្នកឃ្លាំមើលក៏ដូចជាពលរដ្ឋរស់នៅខេត្តបន្ទាយមានជ័យបានលើកឡើងថាការបើកឱ្យមានពលករឆ្លងដែនតាមច្រករបៀងដោយមានការបើកភ្លើងខៀវពីសំណាក់លោកនាយប៉ុស្តិ៍ចំបក់និងលោកមេបញ្ជាការវរៈការពារព្រំដែនលេខ ៨១៥គឺជាអំពើផ្គើនទៅនឹងអនុសាសន៍និងប្រឆាំងនៅបទបញ្ជារបស់ប្រមុខក្រសួងមហាផ្ទៃដែលមានឯកឧត្តមសរសុខាឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃជាប្រធានព្រោះថានាពេលកន្លងទៅឯកឧត្តមធ្លាប់កើនរំលឹកនិងព្រមានដល់មន្ត្រីដែលឈរជើងតាមបណ្ដោយខ្សែបន្ទាត់ព្រំដែនច្រករបៀងឲ្យមានការទប់ស្កាត់និងបង្ក្រាបនូវអំពើឆ្លងដែនខុសច្បាប់ឲ្យបានជាដាច់ខាត!បើទោះបីជាមានបទបញ្ជាយ៉ាងម៉ឺងម៉ាត់យ៉ាងណាក្តីអំពើរត់ពន្ធមនុស្សដែលស្ថិតនៅឃុំបឹងបេងស្រុកម៉ាឡៃខេត្តបន្ទាយមានជ័យនៅតែបន្តកើតមានឡើងជាហូរហែរដដែល។
ជុំវិញការចោទប្រកាន់ខាងលើលោកវរសេនីយ៍ត្រីប៑ុនគុណនាយប៉ុស្តិ៍នគរបាលការពារព្រំដែនចំបក់បានឲ្យក្រុមការងារយើងដឹងនៅព្រឹកថ្ងៃទី ១៣ ខែតុលាឆ្នាំ ២០២៤ នេះថា ពិតជាមានករណីពលករឆ្លងដែនខុសច្បាប់ទៅប្រទេសថៃកាលពីថ្ងៃទី ១១ ខែតុលាឆ្នាំ ២០២៤ ពិតប្រាកដមែន។តែពលករទាំងនោះត្រូវបានកម្លាំងយើងទប់ស្កាត់និងបង្ក្រាបបានចំនួនគ្នា ៥នាក់លោកក៏បានធ្វើការអប់រំហើយក៏ឲ្យពួកគាត់វិលត្រឡប់ទៅផ្ទះរៀងៗខ្លួនវិញទៅ!ចំណែកមេខ្យល់បានរត់គេចខ្លួនបាត់កម្លាំងរបស់លោកចាប់ពុំបានឡើយបានតែម៉ូតូមួយគ្រឿងយកមករក្សាទុកនៅឯប៉ុស្តិ៍រីឯឈ្មោះង៉ិលោកមិនដឹងឡើយថាគេជាអ្នកណាព្រោះលោកពុំមានភស្តុតាងគ្រប់គ្រាន់លោកនាយប៉ុស្តិ៍បានបន្តថាចំណែកករណីចោទប្រកាន់ថាមានពលករឆ្លងដែនប្រទេសថៃរៀងរាល់ថ្ងៃតាមច្រកដែលលោកកំពុងគ្រប់គ្រងនោះគឺមិនមែនជាការពិតឡើយ។
ដោយឡែក លោកវរៈសេនីយ៍ឯក សួង សៅ មេបញ្ជាការវរះសេនាតូចនគរបាលការពារព្រំដែនលេខ៨១៥បានថ្លែងថាលោកអាចឆ្លើយបានត្រឹមការងារដែលលោកដឹងចំណែកឈ្មោះងិតដែលគេរាយការណ៍មកថាជាមេខ្យល់នោះលោកមិនហ៊ានចោទប្រកាន់គេឡើយព្រោះលោកពុំមានភស្តុតាងគ្រប់គ្រាន់រីឯប៉ុន្មានថ្ងៃមុនកម្លាំងរបស់លោកពិតជាបានបង្ក្រាបនិងទប់ស្កាត់នៅពលករឆ្លងដែនទៅប្រទេសថៃចំនួន៥នាក់ពិតប្រាកដមែនរីឯមេខ្យល់គឺចាប់មិនបាននោះឡើយ៕
