(ខេត្តកោះកុង) ៖ ចេញផ្សាយវគ្គ ១រឿងក្តៅគគុកកំពុងផ្ទុះឡើងនៅក្នុងស្រុកបទុមសាគរ ដោយពលរដ្ឋម្នាក់ឈ្មោះ ខៀវ សុកាន កំពុងទទួលរងការចោទថា បាននឹងកំពុងទន្ទ្រានកាន់កាប់ដីព្រៃកោងកាងរីឯក្រុមមន្ត្រីជំនាញឧទ្យានជាតិបូទុមសាគរ និងមន្ត្រីជលផលព្រមទាំងអាជ្ញាធរពាក់ព័ន្ធភូមិឃុំស្រុកកំពុងដុតដៃដុតជើងកសាងនីតិវិធីដើម្បីអនុវត្តច្បាប់នាពេលកន្លងទៅថ្មីៗនេះយ៉ាងណាក្តី! តែបញ្ហានេះត្រូវបានគេមើលឃើញថាគឺជាឆាកល្ខោនសម្តែង ដោយប្រើយុទ្ធសាស្ត្រភ្នែកម្ខាងបើកភ្នែកម្ខាងបិទរបស់មន្ត្រីជំនាញ និងអាជ្ញាធរដោយការអនុវត្តច្បាប់មានភាពមិនប្រក្រតីខណៈពេលលេចធ្លាយមានករណីមួយកន្លែងផ្សេងទៀត កំពុងកាប់ទន្ទ្រានដីព្រៃកោងកាងដែលស្ថិតនៅចម្ងាយឆ្ងាយពីទីតាំងដីរបស់លោក ខៀវ សុកាន ប្រមាណមិនដល់ ១គីឡូម៉ែត្រផងនោះ បែរជាគេមើលមិនឃើញ ឬមួយនៅស្រុកបូទុមសាគរការអនុវត្តច្បាប់មានស្តង់ដារខុសគ្នាទើបមានការបែងចែកវណ្ណៈដូច្នេះ។
នៅរសៀលថ្ងៃទី ២៤ខែតុលាឆ្នាំ ២០២៤ អង្គភាពសារព័ត៌មានយើងបានចុះទៅដល់ទីតាំងដីព្រៃកោងកាងដែលកំពុងទទួលរងការកាប់ឆ្ការទន្ទ្រានកាន់កាប់ ដែលស្ថិតនៅភូមិចំការលើឃុំថ្មសរ ស្រុកបូទុមសាគរ ខេត្តកោះកុង ដែលមានផ្ទៃដីប្រមាណជាង ៣ ហិចតា និងមានចម្ងាយឆ្ងាយនៅទិសផ្នែកខាងជើងនៃដីរបស់លោក ខៀវ សុកាន មិនដល់មួយគីឡូម៉ែត្រផងនោះ ។ តើមូលហេតុអ្វីក្រុមអាជ្ញាធរ និងមន្ត្រីជំនាញមើលមិនឃើញ ឬមួយដីនោះចេះបំបាំងខ្លួន ។
មជ្ឈដ្ឋានផ្សេងទៀតផ្សេងទៀតបានលើកឡើងថា ដីព្រៃកោងកាងដែលគេទន្ទ្រានកាន់កាប់ខាងលើមេខ្លោងនៅពីក្រោយនៃការកាត់ទន្ទ្រានត្រូវបានគេស្គាល់ឈ្មោះង៉ែតបូត្រូវជាដន្លងរបស់លោក អា៑ង អាង មេភូមិចម្ការលើផងដែរ!
ប្រភពផ្សេងទៀតបានបង្ហើបថា លោក ង៉ែត បូ គឺជាបុគ្គលអ្នកមានទ្រព្យសម្បត្តិស្ដុកស្ដម្ភនៅក្នុងតំបន់និងមានបក្សពួកខ្សែហសុទ្ធសឹងតែជាមន្ត្រីរាជការក្រាស់ៗដ៏មានអំណាចនៅថ្នាក់ខេត្តកោះកុង ។ មូលហេតុនេះហើយទើបមន្ត្រីជំនាញនិងអាជ្ញាធរស្រុកបទុមសារគរមើលមិនឃើញអំពីសកម្មភាពខុសច្បាប់កាត់ទន្ទ្រានដីរដ្ឋរបស់លោកង៉ែតបូ ។
ជុំវិញករណីទន្ទ្រានដីព្រៃដីព្រៃកោងកាងខាងលើនេះនៅថ្ងៃទី ២៤ ខែតុលាឆ្នាំ ២០២៤ ម្សិលមិញនេះ អង្គភាពយើងបានធ្វើការទំនាក់ទំនងទៅលោករុននាយកឧទ្យានជាតិបូទុមសាគរក៏ប៉ុន្តែយើងខលចូលជាច្រើនដងពុំមានអ្នកទទួលរីឯលោក ហ៊ុន ម៉ារ៉ាឌី ប្រធានមន្ទីរបរិស្ថានខេត្តកោះកុងបានឱ្យដឹងតាមទូរសព្ទថាករណីលោកង៉ែតបូទន្ទ្រានដីរ័ដ្ខលោកពុំទាន់បានដឹងនៅឡើយទេលោកកំពុងឱ្យកម្លាំងរបស់លោកស៊ើបអង្កេតអំពីបញ្ហានេះតែរឿងមួយនៅចំការលើលោកកំពុងតែបន្តនីតិវិធី ។
ទស្សនៈមហាជនបានលើកឡើងថារឿងលោកខៀវសុកានតិចតួចសោះតែគេពង្រីកឲ្យធំរឿងនេះត្រូវបានគេដាក់ការសង្ស័យថាជាករណីគៀបស៊ីព្រោះថាមុនពេលផ្ទុះរឿងនេះមានក្រុមឈ្មួញតាមទិញដីលោកខៀវសុកានដោយឱ្យក្នុងតម្លៃថោកតែលោកខៀវសុកានមិនព្រមលក់បន្ទាប់មកក៏ផ្ទុះរឿងនេះតែម្ដងដោយមានអ្នកកាសែតត្បាញអាយម្នាក់ឈ្មោះយួនឈីវជាអ្នកបំផុសព័ត៌មានចោទប្រកាន់រីឯក្រុមមន្ត្រីជំនាញចាំអនុវត្តច្បាប់។ដោយចោទថាលោកខៀវសុកានទន្ទ្រានដីព្រៃដោយមានការរៀបចំនិងបែងចែកភារកិច្ចច្បាស់លាស់មួយក្រុមជាអ្នកទូងស្គរីឯមួយក្រុមទៀតចាំសម្ដែង។បើយើងក្រឡេកមកមើលរឿងលោកង៉ែតបូវិញម្តងកម្រិតនៃការទន្ទ្រានដីរដ្ខមានផ្ទៃដីច្រើននិងទំហំធំជាងបែរជាងដីលោកខៀវសុកានទៅទៀតបែជាមន្ត្រីជំនាញមិនសូវយកចិត្តទុកដាក់និងមិនប្រកាន់ទោសអូសដំណើរឡើយ។
ទស្សនៈដ៏ដែលនោះបានបន្ថែមថា បានជាលោកខៀវសុកាននិងលោក ង៉ែត បូ មានវាសនាខុសគ្នា ក៏ព្រោះតែអំណាចទឹកលុយបក្សពួកនិយម និងផលប្រយោជន៍បុគ្គលផងនោះ ទើបការអនុវត្តច្បាប់ខាងលើមានភាពមិនប្រក្រតីដូចពាក្យមួយពោលថារាស្ត្រពឹងច្បាប់បើច្បាប់គ្មានលំណឹងរស្ត្រពឹងនរណា?។
ជុំវិញការចោទប្រកាន់ខាងលើចំពោះលោកង៉ែតបូអង្គភាពសារព័ត៌មានយើងបានធ្វើការទំនាក់ទំនងជាច្រើនដងតាមទូរសព្ទតែកុំមានអ្នកទទួលនៅព្រឹកថ្ងៃទី ២៥ ខែតុលាឆ្នាំ ២០២៤នេះចំណែកលោកអា៑ងអាងមេភូមិចំការលើបានឲ្យក្រុមការងារយើងដឹងថារឿងដីលោកខៀវសុកានគឺជារឿងតូចតាចតិចតួចប៉ុណ្ណោះហើយដីដែលគាត់កំពុងមានបញ្ហានោះគឺជាដីដែលគាត់ទិញអាស្រ័យផលពីពលរដ្ឋផ្សេងទៀតដែលអាស្រ័យផលតាំងឆ្នាំ ១៩៧៩ មកម្ល៉េះហើយដីនោះក៏មិនមែនជាដីកាប់ទន្ទ្រានថ្មីនោះឡើយគ្រប់យ៉ាងដោយសារលោកឈីវធ្វើចង់លើសចំណែកករណីកាត់ទន្ទ្រានដីព្រៃកោងកាងចំនួន ៣ហិចតាជាងនៅទីតាំងផ្សេងទៀតលោកមិនទាន់ដឹងថាជារបស់អ្នកណានៅឡើយទេហើយលោកក៏ធ្លាប់ទៅមើលដែរ។តែចំពោះរឿងនេះលោកមិនបានរាយការណ៍ទៅថ្នាក់លើឡើយ។
ដោយឡែក លោក តេង ហាន់ ប្រធានសហគមន៍តំបន់ឆ្នេរសមុទ្រឃុំថ្មស បានលើកឡើងថា ករណីនេះគឺជាករណីរវាងបុគ្គល និងបុគ្គលដោយសារតែផលប្រយោជន៍តែរឿងករណីកាត់ទន្ទ្រានដីឈ្មោះ ង៉ែត បូ លោកពុំបានដឹងទេ ។ ព្រោះលោកនៅឆ្ងាយទៅអត់ដល់ណាមួយលោកពុំមានប្រាក់ខែអ្វីឡើយលោកបានបញ្ជាក់បន្ថែមថាសូមឱ្យអង្គភាពសារព័ត៌មានយើងសួរទៅកម្លាំងជំនាញនិងអាជ្ញាធរចុះ
ក្រុមការងារយើងបានធ្វើការទំនាក់ទំនងទៅលោក ប៉រ៉ានី នាយខណ្ឌជលផលស្ដីទីខេត្តកោះកុង តែទូរសព្ទលោកជាប់រវល់រហូតនៅថ្ងៃទី ២៥ តុលាឆ្នាំ ២០២៤ដដែលនេះ អង្គភាពយើងបានទូរសព្ទទៅលោក ក្រួច បុរីសីហា អភិបាលនៃគណៈអភិបាលស្រុកបូទុមសាគរ ដើម្បីសុំការបំភ្លឺ ក៏ប៉ុន្តែទូរសព្ទលោកមិនអាចទំនាក់ទំនងបាន ៕
