នៅថ្ងៃទី ១២ ខែមេសាឆ្នាំ ២០២៥នេះរដ្ឋបាលស្រុកបូទុមសាគរ ដឹកនាំដោយលោក ក្រួច បូរីសីហា អភិបាលស្រុកបូទុមសាគរតំណាងដ៏ខ្ពង់ខ្ពស់លោកជំទាវ មិថុនា ប៊ូថង អភិបាលនៃគណៈអភិបាលខេត្តកោះកុង និងអភិបាលរងស្រុក ដោយមានការចូលរួមលោកមេឃុំនិងលោកមេប៉ុស្តិ៍រដ្ឋបាល និងមន្ត្រីផ្សេងទៀតបាននាំយកនូវអំណោយរបស់សម្ដេចតេជោហ៊ុនសែនប្រធានសមាគមន៍អតីតយុទ្ធជនកម្ពុជានិងសម្ដេចបវរធិបតីហ៊ុនម៉ាណែតនាយករដ្ឋមន្ត្រីនៃព្រះរាជាណាចក្រកម្ពុជា ចែកជូនដល់គ្រួសារអតីតយុទ្ធជនដែលបានពលីជីវិតក្នុងបុព្វហេតុការពារជាតិ ចំនួន ១៥ គ្រួសារដែលស្ថិតនៅក្នុងស្រុកបទុម្ពសាគរទាំងមូលដោយសោកស្តាយនិងគោរពជូនជាកិត្តិយសក្នុងឱកាសចូលឆ្នាំថ្មីប្រពៃណីជាតិខ្មែរខាងមុខ។
អំណោយនេះត្រូវបានផ្ដល់ដោយសម្ដេចតេជោហ៊ុនសែននិងសម្ដេចបវរធិបតីហ៊ុនម៉ាណែតដើម្បីបញ្ជាក់នូវការយកចិត្តទុកដាក់ និងក្តីស្រឡាញ់របស់សម្ដេចទាំងទ្វេចំពោះអតីតយុទ្ធជន និងគ្រួសាររបស់ពួកគេ ដែលបានលះបង់សម្រាប់សន្តិភាពរបស់ប្រទេសជាតិ។ អំណោយរួមមានគ្រឿងឧបភោគបរិភោគចាំបាច់ប្រចាំថ្ងៃ និងប្រាក់ឧបត្ថម្ភ បង្ហាញនូវស្មារតីទឹកចិត្តខ្ពង់ខ្ពស់នៃការថែទាំ និងគាំទ្រដល់អ្នកដែលបានចូលរួមយ៉ាងសកម្មក្នុងការការពារជាតិ។
កម្មវិធីនេះបានបង្ហាញពីភាពរួបរួម និងឯកភាពរបស់អាជ្ញាធរស្រុកជាមួយរដ្ឋបាលខេត្ត និងសង្គមជាទូទៅ ក្នុងការថែរក្សាផ្លូវបុណ្យប្រពៃណី និងការគោរពចំពោះវីរបុរសជាតិផងដែរ។
ជាមួយគ្នានេះផងដែរគ្រួសារអតីតយុទ្ធជនពលីដែលបានទទួលអំណោយនិងការសួរសុខទុក្ខបានសម្ដែងអំណរអរគុណយ៉ាងជ្រាលជ្រៅចំពោះសម្តេចតេជោហ៊ុនសែននិងសម្ដេចពវរធិបតីហ៊ុនម៉ាណែតព្រមទាំងលោកជំទាវអភិបាលខេត្តកោះកុងនិងលោកអភិបាលស្រុកបុទុមសាគរនិងអាជ្ញាធរមូលដ្ឋានដែលបានយកអំណោយរបស់សម្តេចពុកនិងសម្ដេចនាយករដ្ឋមន្ត្រីខាងលើមកឧបត្ថម្ភជីវភាពដើម្បីពន្លឿនការរីកចម្រើនក្នុងសហគមន៍៕
