(ខេត្តឧត្តរមានជ័យ) ៖ លោក ម៉ា រដ្ឋា មន្ត្រីនគរបាលប្រឆាំងបទល្មើសសេដ្ឋកិច្ចក្រសួងមហាផ្ទៃ នៅថ្ងៃ១៧ខែមករាឆ្នាំ២០២១បានបដិសេធចំពោះព័ត៌មានដែលបានចុះផ្សាយតាមបណ្តាញសង្គមហ្វេសបុកមួយចំនួនចោទ ប្រកាន់លោកថា កំពុងរត់ការ និងបើករថយន្តកាងបទល្មើស គឺជារឿងមិនពិតនោះឡើយ។
លោកបានបំភ្លឺថា នៅថ្ងៃដែលគេចោទប្រកាន់ថា លោកបើករថយន្តទៅបិទគូថរថយន្តសមត្ថកិច្ច និងអ្នកសាព័ត៌មាននោះ គឺនៅថ្ងៃទី១៦ ខែមករា ឆ្នាំ២០២១ ទៀបភ្លឺដែលមិនចាំម៉ោង លោកគ្រាន់តែបើករថយន្តនៅតាមដងផ្លូវ ហាយវេស្ថិតនៅស្រុកអន្លង់វែងហើយក៏ឃើញរថយន្តជាច្រើនគ្រឿងបើកនៅតាមផ្លូវ ដែលមានរថយន្តអ្នកសារព័ត៌មាន និងសមត្ថកិច្ច បានបើកពីក្រោយរថយន្តស៊ាំយ៉ុងមួយគ្រឿងពណ៌ តែលោកមិនបានដឹងថា រថយន្តដឹកអ្វីនោះទេ ដែលបើកក្នុងល្បឿនយឺត ទើបលោកបានបើកវ៉ាហួសទៅមុខតែម្តង។
លោកបន្តថា ចំពោះការចោទកំពុងតែកាងបទល្មើស និងរត់ការនោះ ក៏ជារឿងមិនពិត ព្រោះរូបលោកមិនបានប្រព្រឹត្តផ្ទុយពីតួនាទី ហើយចូលទៅពាក់ព័ន្ធនឹងបទល្មើសព្រៃឈើនោះឡើយ៕
ដោយម្លប់សន្តិភាព
