ទីតាំងដេប៉ូឈើចំនួន ២ កន្លែងក្នុងខេត្តព្រះវិហារដែលស្ថិតនៅទីរួមស្រុកជាំក្សាន្ត និងមួយកន្លែងទៀត ស្ថិតនៅចំណុចក្រាំងដូងឃុំព្រះឃ្លាំងស្រុកត្បែងមានជ័យ ដែលជ្រកក្រោមអាជ្ញាប័ណ្ណច្បាប់ដេប៉ូឈើ តែការប្រមូលឈើបានគៀងគរអោយប្រជាពលរដ្ឋចូលទៅកាប់ និងអារចេញពីតំបន់អភិរក្សនាៗក្នុងខេត្តព្រះវិហារ។
តាមប្រភពព័ត៌មានពីសមត្ថកិច្ចក្នុងខេត្តព្រះវិហារ បានអោយដឹងនៅថ្ងៃទី៩មិនាឆ្នាំ២០២១នេះថា ម្ចាស់ដេប៉ូឈ្មោះ គីម ជាមន្ត្រីយោធាបំរើការនៅបញ្ជាការដ្ឋានអង្គរក្ស(៩៥)ទិសទី១ប្រាសាទព្រះវិហារដ៏មានអំណាចបានត្រូវរ៉ូវគ្នាជាមួយមន្ត្រីជំនាញនិងបានបង់លុយអោយស្ថាប័នពាក់ព័ន្ធក្នុងខេត្តទាំងអស់។ បើទោះបីជាគេមានច្បាប់អាជ្ញាប័ណ្ណបើកដេប៉ូឈើលក់ឈើ ពីរដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទក្តី តែការប្រមូលឈើប្រភេទលេខ២ បានគៀងគរកម្លាំងដាក់ម៉ាស៊ីត្រង់ស៊ីន័រចូលទៅអារឈើចេញពីតំបន់បរិស្ថានដែនជម្រកគូលែន-ព្រហ្មទេព ព្រៃសហគមន៍ព្រះរការធំ និងព្រៃសហគមន៍ផ្សេងៗទៀត ដែលកំពុងអភិរក្សនៅក្នុងព្រះវិហារ។ ហើយក្នុងនោះ ក៏មានការឃុបឃឹតពីសំណាក់មន្ត្រីដែលប្រចាំការការពារនៅតំបន់នោះដែរ បានបើកដៃអោយម៉ាស៊ីនត្រង់ស៊ីន័រជាច្រើនក្នុងមួយថ្ងៃៗ ចូលទៅអារឈើលាន់ឮកងរំពងពេញព្រៃ ដោយសារគេបានផលប្រយោជន៍ពីម្ចាស់ដេប៉ូ។
ម្ចាស់ដេប៉ូត្រូវបានគេស្គាល់ឈ្មោះ គីម កំពុងតែធ្វើព្យុះធ្វើភ្លៀងគាបសង្កត់ទៅលើប្រជាពលរដ្ឋដែលរកស៊ីតូចតាចជាលក្ខណៈគ្រួសារ ឬដឹក ឈើយកមកធ្វើលំនៅដ្ឋាន ម្ចាស់ដេប៉ូពិតជាមានអំណាច បានអោយសមត្ថកិច្ចដាក់កម្លាំងទាំងយប់ទាំងថ្ងៃធ្វើការឆែករថយន្តគ្រប់ប្រភេទ និងចាប់គោយន្តដឹកឈើបន្តិចបន្តួចដែលមិនបានបង់លុយអោយដេប៉ូ។ មិនតែប៉ុណ្ណោះម្ចាស់ដេប៉ូបានតម្រូវអោយពលរដ្ឋដឹកឈើត្រូវបង់លុយទើបគេអោយដឹកឈើចេញ ហើយបើមិនបង់លុយម្ចាស់ដេប៉ូនឹងអោយសមត្ថកិច្ចធ្វើការបង្ក្រាបដោយមិនយោគយល់ឡើយ។ ដូច្នេះតាមការលើកឡើងពីប្រជាពលរដ្ឋបាននិយាថា ច្បាប់ដេប៉ូរបស់ក្រសួងកសិកម្ម រុក្ខាប្រមាញ់ និងនេសាទ ដែលអនុញ្ញាតអោយបើកអាជីវកម្មចែកចាយឈើនៅក្នុងខេត្តព្រះវិហារ បានក្លាយទៅជាអំណាចមួយសំរាប់ម្ចាស់ឈ្មោះ គីម បានដាក់កម្លាំងគ្រប់កន្លែងនៅក្នុងខេត្តព្រះវិហារ ក្មុងការចាប់ប្រជាពលរដ្ឋណាដែលដឹកឈើប្រភេទលេខ២មិនបង់លុយអោយ។ជុំវិញប្រម៉ូលទិញឈើបែបអនាធិបតេយ្យខាងលើក្រុមការងារយើងមិនអាចសុំការបំភ្លឺពីលោកពឹងទ្រីដាប្រធានមន្ទីរកសិកម្មរក្ខាប្រម៉ាញ់និងនេសាទខេត្តព្រះវិហារបានទេដោយទូរស័ព្ទលោកខលមិនដែលចេះចូលបើចូលហើយក៏មិនដែលលើក៕ដោយ សុផានុរស្ស
