(ខេត្តឧត្តរមានជ័យ) ពលរដ្ឋដែលប្រកបរបស៊ីឈ្នួលភ្ជួរដី (ត្រាក់ទ័រ) រងគ្រោះដោយមន្ត្រីយោធាពីរនាក់ប្តីប្រពន្ធ បោកប្រាស់កម្លាំងពលកម្មមិនអោយប្រាក់ឈ្នួលនាពេលកន្លងទៅនោះ។បច្ចុប្បន្ននៅព្រឹកថ្ងៃទី៨ខែមេសាឆ្នាំ២០២១នេះមិនទាន់ទទួលបានយុត្តិធម៌នៅឡើយទេបន្ទាប់ពីពលរដ្ឋរងគ្រោះបានស្នើសុំនិងអំពាវនាវដល់ឯកឧត្តមនាងឃីមដែលជាមេបញ្ជាការជួយដោះស្រាយនាពេលថ្មីៗនេះតែមិនទទួលបានលទ្ធផល។
ជុំវិញករណីខាងលើនេះមហាជនលើកឡើងថាតើលោកឧត្តមសេនីយ៍ឯកពៅហេងមេបញ្ជាការរងកងទ័ពជើងគោកនិងជាបញ្ជាការយុទ្ធភូមិភាគទី៤លើកយកមកពិចារណានិងដាក់ការសុើបអង្កេតដែររឺទេ?ក្រោយផ្ទុះរឿងយោធាពីរូបជាប្តីប្រពន្ធបំរើការនៅអង្គភាពកងពលលេខ៤១បោកប្រាក់ឈ្នួលពលរដ្ឋមិនព្រមសងដែលទង្វើនេះធ្វើអោយប៉ះពាល់កិត្តិយសកងទ័ពនោះ។បើទោះបីជាមានការអំពាវនាវដល់លោកឧត្តមសេនីយ៍ទោនាងឃីមដែលជាមេកើយអោយជួយដោះស្រាយយ៉ាងណាក្តីក៏ពុំមានប្រសិទ្ធភាពដែរ។
ប្រភពពីមន្ត្រីយោធាតូចតាចបានលួចបង្ហើបថាទាហានពីរនាក់ប្តីប្រពន្ធដែលបោកកម្លាំងពលកម្មពលរដ្ឋនោះមានតែឈ្មោះសុីប្រាក់ខែរដ្ឋតែមិនដែលចូលអង្គភាពឡើយ។ហើយគេក៏ជាកូនអ្នកមានអំណាចម្នាក់ថា្នក់ឧត្តមសេនីយ៍នៅក្នុងកងពលលេខ៤១នេះទើបឯកឧត្តមនាងឃីមមិនមានចំណាច់ការចំពោះមន្ត្រីយោធាខឹលខូចពីររូបនោះ។
គួរំលឹកថាមន្ត្រីយោធាពីររូបដែលគេស្គាល់ឈ្មោះអុឹងឆាយហៃអត្តលេខ២៣៥០៦០ជាប្តីនិងឈ្មោះផាន់សុីផាន់ថងអត្តលេខ២៣៦២៥៥ជាប្រពន្ធនាក់ទាំងពីរបំរើការនៅអង្គភាពយោធាកងពលតូចលេខ៤១ដែលរងការចោទពីពលរដ្ឋអ្នកសុីឈ្នួលភ្ជួរដី(ត្រាកទ័រ)ឈ្មោះសាយធឿនថាបានជំពាក់ប្រាក់គាត់ចំនួនពីរលានរៀល(២០០០០០០៛)រឿងសុីឈ្នួលភ្ជួរដីកាលពីបីឆ្នាំមុនស្ថិតនៅភូមិពាមក្នុងឃុំអូរស្វាយស្រុកត្រពាំងប្រាសាទខេត្តឧត្តរមានជ័យ។ទោះជាគាត់(សាយធឿន)ទារយ៉ាងណាក៏មិនព្រមសង៕
ដោយម្លប់សន្តិភាព
