(ខេត្តឧត្តរមានជ័យ) ៖ នៅព្រឹកថ្ងៃទី៩ ខែមេសា ឆ្នាំ២០២១នេះ ពលរដ្ឋឈ្មោះ សាយ ធឿន ដែលប្រកបរបស៊ីឈ្នួលភ្ជួរដី (ត្រាក់ទ័រ) បានអោយអ្នកសារព័ត៌មានដឹងតាមទូរស័ព្ទថា ជុំវិញករណីមន្ត្រីយោធាពីរនាក់ប្តីដែលជំពាក់ប្រាក់គាត់ (សា យធឿន) នោះត្រូវបានដោះស្រាយបញ្ចប់ហើយ គាត់ (សាយ ធឿន) ក៏ទទួលបានយុត្តិធម៌ហើយដែរ ខណៈពេលដែលលោកឧត្តមសេនីយ៍ឯក ពៅ ហេង មេបញ្ជាការរងកងទ័ពជើងគោក និងជាមេបញ្ជាការយោធាយុទ្ធភូមិភាគទី៤ ក៏ដូចជាលោកឧត្តមសេនីយ៍ទោ នាង មេបញ្ជាការកងពលតូចលេខ៤១បានយកចិត្តទុកដាក់និងបញ្ជារអោយដោះស្រាយបញ្ចប់ប្រកបដោយសុក្រឹត្យភាព ។
ក្នុងនោះដែរ ពលរដ្ឋខាងលើបានសំដែងការគោរព និងអរគុណចំពោះឯកឧត្តម មេបញ្ជាការទាំងពីររូប ដែលបានផ្តល់យុត្តិធម៌អោយគាត់(សាយធឿន)ក្រកបដោយគតិយុត្តិនិងគុណធម៌ក្នុងនាមជាថ្នាក់ដឹកនាំ។
សូមបញ្ជាក់ថា មន្ត្រីយោធាពីររូប ដែលគេស្គាល់ឈ្មោះ អ៊ឹង ឆៃហៃ ជាប្តីនិងឈ្មោះ ផាន់ ស៊ីផាន់ថង ជាប្រពន្ធបំរើការនៅអង្គភាពយោធាកងពលតូចលេខ ៤១ ដែលរងការចោទប្រកាន់ពីពលរដ្ឋឈ្មោះ សាយ ធឿន ថា បានជំពាក់លុយចំនួនពីរលានរៀល(២០០០០០០៛) រឿងស៊ីឈ្នួលភ្ជួរដីដែលស្ថិតនៅភូមិពាមក្នុងឃុំអូរស្វាយស្រុកត្រពាំងប្រាសាទខេត្តឧត្តរមានជ័យកាលពីបីឆ្នាំមុន ។
បើតាមការបញ្ជាក់ពីឈ្មោះ មាន សុភ័ក្រ មន្ត្រីយោធាបំរើការក្នុងអង្គភាពនោះបានអោយដឹងថា ចំពោះករណីខាងលើ វាជារឿងភាន់ច្រឡំទេ ព្រោះថា កាលនោះ ខាងយោធាលោកបានជួលឈ្មោះ សាយ ធឿន អោយភ្ជួរដីមែន និងបានទូទាត់លុយអោយអស់មួយចំនួនធំហើយ និងនៅខ្វះលុយចំនួនពីរលានរៀល ដោយពេលនោះ មានត្រាក់ទ័រពីរទៅបីគ្រឿង ដែលមកភ្ជួរដីអោយមន្ត្រីយោធាពីនាក់ប្តីប្រពន្ធនោះ ទើបច្រឡំថាលុយដែលនៅសល់ចំនួនពីរលានរៀលនោះ (២០០០០០០៛) ជាលុយប្រាក់ឈ្នួលរបស់ឈ្មោះ ហៃរ៉ាត់ ដែលជាម្ចាស់ត្រាក់ទ័រមួយផ្សេងទៀត ទើបមានការយឺតយ៉ាវដូចច្នេះ ។ អញ្ចឹងហើយ សូមមហាជនកុំមានការភ័ន្តតទៅទៀត ៕
ដោយម្លប់សន្តិភាព
