ខេត្តឧត្តរមានជ័យ : យោងតាមសេចក្តីរាយការណ៍ពីស្រុកត្រពាំងប្រាសាទ នៅព្រឹកថ្ងៃទី០៨ ខែសីហា ឆ្នាំ២០២១ នេះថា បទល្មើសព្រៃឈើកំពុងកើតមានឡើងយ៉ាងអនាធិបតេយ្យតាមខ្សែរបន្ទាត់ព្រំដែនកម្ពុជា-ថៃ ដែលស្ថិតក្នុងភូមិត្រពាំង៣ ឃុំព្រះប្រឡាយ ដោយមានការបើកភ្លើងខៀវពីសំណាក់លោកវរ:សេនីយ៍ត្រី មុត ម៉េង មេប៉ុស្តិ៍ព្រះប្រឡាយ នៃនគរបាលការពារព្រំដែនលេខ៩០៥ ។
ប្រភពពីមន្ត្រីបំរើការតាមខ្សែរបន្ទាត់ព្រំដែនបានបង្ហើបអោយដឹងដែរថា ជារៀងរាល់ថ្ងៃក្រុមឈ្មួញបានកៀងគរពលករអោយចូលទៅកាត់និងអារឈើ នៅលើខ្នងភ្នំដងរែកយ៉ាងរង្គាល ដោយមានការត្រូវរ៉ូវគ្នាជាមួយមេប៉ុស្តិ៍រូបនោះ ។ ប្រភពដដែលបានបន្តរថា ឈើដែលក្រោយពីគេកាត់អាររួចហើយត្រូវបានអូសនិងដឹកជញ្ជូនដោយគោយន្តកន្ត្រៃដោយតម្រូវបង់លុយក្រោមតុទៅអោយលោក មុត ម៉េង ចំនួន៥០០០០៛(ប្រាំម៉ឺនរៀល ) ក្នុងមួយក្បាលគោយន្តជាថ្នូនៃការមិនចាប់ចង ។
បន្ទាប់ពីបង់លុយរួចហើយឈើទាំងនោះបានបន្តរដឹកជញ្ជូនទៅដាក់លើរថយន្តយីឌុបនៅចំណុចផ្លូវយុទ្ធសាស្ត្រអូក្សាច់ ស្ថិតក្នុងភូមិទួលគ្រួស ឃុំព្រះប្រឡាយ ស្រុកត្រពាំងប្រាសាទ ខេត្តឧត្តរមានជ័យ ដើម្បីបន្តរចែកចាយតាមបណ្តាខេត្តនានា ។
ជុំវិញការចោទប្រកាន់ខាងលើក្រុមការងារយើងមិនអាចសុំការបំភ្លឺលោកវរៈសេនីយ៍ត្រីមុតម៉េងមេប៉ុស្តិ៍ព្រះប្រឡាយនគរបាលវរៈការពារព្រំដែនលេខ៩០៥បានទេនៅព្រឹកថ្ងៃទី៩ខែសីហាឆ្នាំ២០២១នេះដោយទូរស័ព្ទចូលថាច្រឡំលេខ។
រីឯលោកវរះសេនីយ៍ឯកសៀមផ្នើកមេបញ្ជារការវរៈនគរបាលការពារព្រំដែនលេខ៩០៥ថាអោយសួរទៅលោកវា៉យូម៉េងព្រោះគេជាមេបញ្ជារការរងវរៈប្រទិសនៅទីនោះផ្ទាល់ទើបដឹងរឿង។
គួរំលឹកដែរថា នាថ្ងៃទី០៦ ខែសីហា ឆ្នាំ២០២១ កន្លងទៅថ្មីៗនេះ ឈើគ្រឿងផ្ទះប្រម៉ានជាជាង៣ម៉ែត្រគូប នៅចំណុចក្រោមការគ្រប់គ្រងរបស់លោក មុត ម៉េង ត្រូវបានបង្ក្រាបដោយកម្លាំងសមត្ថកិច្ចចម្រុះ ដែលដឹកនាំដោយលោក ម៉ៅ ហួ ព្រះរាជអាជ្ញារង អមសាលាដំបូងខេត្តឧត្តរមានជ័យផងដែរ ៕
ដោយម្លប់សន្តិភាព
