(ខេត្តកោះកុង) ៖ ប្រជាពលរដ្ឋដែលរស់ភូមិជីត្រេះទឹកភ្នែកជូតក្បាលជង្គង់ជាបន្តបន្ទាប់ដោយសារលោកមឿងឃុនមេភូមិជីត្រេះតាមធ្វើទុក្ខបុកម្នេញទៅលើរាស្ត្រស្លូតត្រង់ជុំវិញរឿងដីធ្លីដោយមេភូមិរូបនេះប្រើតួនាទីសំខាន់ៗ៣ស្នៀតក្នុងពេលតែមួយក្នុងផែនការរំលោភយកដីរាស្ត្រ ។
ទី.១គឺមេភូមិរូបនេះដើរគៀងគរក្រុមឈ្មួញមកយកដីពលរដ្ឋស្រស់ៗដើម្បីចែកគ្នា ។
ទី.២លោកមេភូមិចាំស៊ីញ៉េអោយក្រុមឈ្មួញដើម្បីទទួលស្គាល់ថាជាដីស្របច្បាប់និងបង្កើតសេនារីយោដោយអោយមានតួអង្គទិញដីនិងតួអង្គលក់ដីតាមការរៀបចំក្បាច់គន់ ។
ទី.៣លោកមេភូមិចាំជំទាស់ពលរដ្ឋទាំងឡាយណាដែលស្នើសុំចេញប្លង់កាន់កាប់ដីរឺលក់នោះគឺលោកមិនស៊ីញ៉េអោយជាដាច់ខាតប្រសិនបើមិនព្រមកាត់ដីដែលខ្លួនអាស្រ័យផលនោះទៅអោយក្រុមបក្សពួកគេទៅតាមចំនួនការទាមទារនោះទេគឺដីពលរដ្ឋទាំងអស់នោះមិនអាចចេញប្លង់រឺលក់ដូបានឡើយ ។
ជាក់ស្តែង នៅពេលថ្មីៗនេះ ស្ត្រីម្នាក់ឈ្មោះ អេង វណ្ណា បានអំពាវនាវដល់លោកជំទាវ មិថុនា ប៊ូថង អភិបាលខេត្តកោះកុងជួយរកយុត្តិធម៌រឿងដីធ្លីរបស់គាត់ ដែលមានដីចំនួន១០០×២០០ម៉ែត្រនៅចំណុចចុងថ្នល់ភូមិជីត្រេះឃុំអណ្តូងទឹកស្រុកបទុមសាគរខេត្តកោះកុងត្រូវបានក្រុមឈ្មួញរំលោភយក ។
អ្នកស្រីបានរាបរាប់ទាំងក្តុក្តួលថា ដីនៅចំណុចខាងលើនេះអ្នកស្រីទិញពី មាស សេម ក្នុងតម្លៃ១៦០០$តាំងពីឆ្នាំ២០០៧មកម្លេះ ដោយកាលនោះ លោក មឿង ឃុន មិនទាន់ធ្វើប្រធានភូមិជីត្រេះផង ។ ក្រោយមកនៅឆ្នាំ២០២១ អ្នកស្រី( អេង វណ្ណា )មានបំណងចង់លក់ដីនោះ ស្រាប់តែលោក មឿង ឃុន សុំដីអ្នកស្រីចំនួនក្បាលដី១០×២០០ម៉ែត្រ តែអ្នកស្រីបដិសេធមិនព្រមអោយ ។ ស្រាប់តែពេលថ្មីៗនេះក៏លេចមុខស្ត្រីម្នាក់ទៀតឈ្មោះ ម៉ាង ម៉ាយូដា មកប្តឹងទាមទារយកដីពីគាត់( អេង វណ្ណា )ចំនួនក្បាល់ដីចំនួន២៥×២០០ដោយសំអាងលើលិខិតទិញលក់នៅឆ្នាំ២០០៨ ដោយមានចុះហត្ថលេខាលោក មឿង ឃុន មេភូមិជីត្រេះ និងមានសាក្សីឈ្មោះមាសមុំ (ដោយឈ្មោះពិតប្រាកដឈ្មោះមាសសាវើន) ត្រូវជាកូនស្រីបង្កើតរបស់លោក មាស សេម អតីតម្ចាស់ដីដោយកាលនោះនាង(មាសមុំ)ទើបតែអាយុ១៣ឆ្នាំប៉ុណ្ណុះ ។
អ្នកស្រី អេង វណ្ណា បានបន្តថាក្រោយពីមានការប្តឹងផ្តល់គ្នារឿងដីចំនួន២៥×២០០ម៉ែត្រនោះលោកមឿងឃុនបានជំទាស់ដីរបស់គាត់ចំនួន៧៥×២០០ផ្សេងទៀត មិនអោយចេញប្លង់ដើម្បីលក់ដូរឡើយ ។ បើទោះបីជាក្រុមការងារស្រុកបទុមសាគរបានចាត់មន្ត្រីជំនាញអោយវាស់វែងរៀបចំឯកសារចេញប្លង់ក្តីក៏លោកមេភូមិចិត្តលោភលន់រូបនោះជំទាស់មិនស៊ីញ៉េទទួលស្គាល់ដែរ ។ និងបានដាក់លក្ខខ័ណ្ឌអោយពលរដ្ឋឈ្មោះ អេង វណ្ណា ប្រគល់ដីចំនួន២៥×២០០ម៉ែត្រទៅអោយឈ្មួញឈ្មោះម៉ាងម៉ាយូដាដែលគេល្បីថាមានងារជាជំទាវផងនោះនិងត្រូវជាបក្សពួកលោកភូមិសម្បូរដោយកលល្បិចរូបនេះទើបគេព្រមចុះហស្ថលេខាអោយ ។ លោក មាស សេម អតីតម្ចាស់ដីខាងលើបានទទួលស្គាល់ថាពិតជាធ្លាប់បានលក់ដីទៅអោយឈ្មោះ អេង វណ្ណា ប្រាកដមែនចំនួន៧៥×២០០ប៉ុណ្ណុះ
ជុំវិញការចោទប្រកាន់ខាងលើនេះលោកមឿងឃុនមេភូមិជីត្រេះក្រុមការងារយើងមិនអាចសុំការបំភ្លឺបានទេដោយលោកថា ជាប់រវល់និងសុំមិនធ្វើការបកស្រាយ ។ ចំណែកឈ្មោះម៉ាងម៉ាយូដាជាភាគីជម្លោះដីនោះនិងមានងារជាជំទាវផងក៏មិនអាចសុំការបកស្រាយបានដែរដោយគ្មានលេខទូរស័ព្ទទំនាក់ទំនង ។
រឺឯលោក ឃៀង យិង មេឃុំអណ្តូងទឹកបានបញ្ជាក់ថាបញ្ហានេះផុតដៃលោកហើយនិងបានបញ្ជូនទៅស្រុកអស់ហើយដែរ ។
តែយ៉ាងណាក៏ដោយ លោក ក្រូច បូរីសីហា អភិបាលរងស្រុកបទុមសាគរទទួលបន្ទុកដីធ្លីបានអោយអ្នកយកព័ត៌មានយើងដឹងតាមទូរស័ព្ទនៅព្រឹកថ្ងៃទី៥ខែកញ្ញាឆ្នាំ២០២១នេះថារឿងទំនាស់ដីនេះលោកទុកអោយភាគីទាំងសងខាងដោះស្រាយគ្នាបញ្ចប់សិនទើបខាងស្រុកចេញប្លង់អោយព្រោះការវាស់វែងជាប្រព័ន្ធមិនទាន់ហួសពេលឡើយ៕
