(ខេត្តកោះកុង) ៖ លោកមឿងឃុនមេភូមិជីត្រេះនិងឃៀងយិងមេឃុំអណ្តូងទឹកដែលគេល្បីថាពូកែយុទ្ធសាស្ត្រខាងយកដីរាស្ត្រនិងលួចដីរដ្ឋទៅលក់យកលុយដាក់ហោប៉ៅធ្វើមានធ្វើបានខ្លួនឯងនោះ។ស្រាបតែពេលថ្មីៗនេះមានសេចក្តីរាយការណ៍មកថាលោកមេភូមិនិងលោកមេឃុំកំពូលល្បិចខាងលើបានឃុបឃិតគ្នាជាមួយឈ្មោះចាន់សំណាង(ហៅគ្រូបុង)ជាគ្រូបង្រៀនស្ម័គ្រចិត្តបានលួចរំកិលរបងសាលាមត្តេយ្យសហគមន៍អស់ដីទំហំ៤០×១៥០ម៉ែត្រដែលស្ថិតនៅភូមិជីត្រេះឃុំអណ្តូងទឹកស្រុកបទុមសាគរខេត្តកោះកុងលក់ទៅអោយឈ្មោះស៊ូសំណាង(ហៅប៉ាសៀងហៃ)មុខរបជាងកាត់កញ្ចក់នៅផ្សាអណ្តូងទឹកក្នុងតម្លៃជិតពីរមុឺនដុល្លា។
ប្រភពរាយការដ៏ដែលនោះបានបន្តថាដីសាលាមត្តេយ្យសហគមន៍ដែលជាសម្បត្តិរដ្ឋឯកជនខាងលើនោះត្រូវបានលោកចាន់សំណាង(ហៅគ្រូបុង)លក់ទៅអោយឈ្មួញនិងមានចុះហត្ថលេខាទទួលស្គាល់ពីសំណាក់លោកមឿងឃុនមេភូមិជីត្រេះនិងយៀងយិងមេឃុំអណ្តូងទឹកតាំងពីឆ្នាំ២០១៦មកម្លេះតែទើបនិងបែកធ្លាយពីក្រុមប្រជាពលរដ្ឋរស់នៅភូមិឃុំខាងលើដែលចង់បានដីសាលានោះមកវិញដើម្បីជាប្រយោជន៍សាធារណៈដោយមានព្រួយបារម្ភពីវាសនាសិស្សានុសិស្សនាពេលអនាគតទៅជាយ៉ាងណាបើដីទីតាំងសាសារៀលដែលជាថ្នាលបណ្តុះចំណេះវិជ្ជាត្រូវបានគេលក់និងបង្រួមម្តងបន្តិៗយ៉ាងដូចច្នេះ។
គូបបញ្ជាក់ថាលោកមឿងឃុននិងលោកឃៀងយិងតែងតែប្រើល្បិចចំនួន៣ស្នៀតដ៏ដែលៗ
ស្នៀតទី១លោកមេភូមិនិងមេឃុំបើកដៃអោយឈ្មួញយកដីរាស្ត្រនិងទន្ទ្រានលួចដីរដ្ឋដើម្បីចែកផលប្រយោជន៍គ្នា។
ស្នៀតទី២:លោកភូមិនិងមេឃុំចាំស៊ីញ៉េអោយក្រុមឈ្មួញដើម្បីទទួលស្គាល់ថាជាដីស្របច្បាប់ដោយបង្កើតតួអង្គលក់ដីនិងតួអង្គទិញដី។
ស្នៀតទី៣:មេភូមិនិងមេឃុំចាំជំនាស់ចំពោះពលរដ្ឋទាំងឡាយដែលស្នើរសុំចេញប្លង់ដីកាន់កាប់ដីរឺក៏លក់ដីគឺមិនស៊ីញ៉េអោយដាច់ខាតលុះត្រាតែពលរដ្ឋនោះព្រមប្រគល់ដីដែលខ្លួនអាស្រ័យផលនោះទៅតាមចំនួនដែលគេចង់បានទើបគេលែងជំទាស់។
កំពូលស្នៀតទាំងបីខាងលើនេះថ្វីត្បិតតែចាស់កំរិលបន្តិមែនតែត្រូវបានលោកមឿងឃុនមេភូមិជីត្រេះនិងលោកឃៀងយិងមេឃុំអណ្តូងទឹកយកមកអនុវត្តយ៉ាងមានប្រសិទ្ធភាព។ដើម្បីប្លន់ដីរាស្ត្រនិងលួចដីរដ្ឋខណះពេលដីក្នុងតំបន់នោះមិនទាន់មានប្លង់កម្មសិទ្ធត្រឹមត្រូវ។ដូចពាក្យចាស់ពោលថា(កន្តេលធំបន្លំដេក)។ជុំវិញករណីនេះគេបានដាក់ការសង្ស័យថាលោកហាក់ឡេងអភិបាលស្រុកបទុមសាគរទំនងជាបានលាភសក្ការៈពីមេភូមិនិងមេឃុំខាងលើក្រាស់ក្រេលហើយមើល៍ទៅបានជានៅស្ងៀមឈឹងមិនមានចំណាត់ការទៅលើមន្ត្រីគ្រាប់ល្ពៅទាំងពីររូបនេះសោះ។
លោកស៊ូសំណាង(ហៅប៉ាសៀងហៃ)មុខរបជាងកាត់កញ្ចក់ផ្សារអណ្តូងទឹកបានទទួលស្គាល់ថាពិតជាបានទិញដីទំហំ៤០×១៥០ម៉ែត្រពីលោកចាន់សំណាង((ហៅគ្រូបុង)ជាគ្រូបង្រៀននៅសាលាមត្តេយ្យសហគមន៍ប្រាកដមែនក្នុងតម្លៃជិតពីរមុឺនដុល្លាដោយមានលោកមឿងឃុននិងឃៀងយិងចុះហត្ថលេខាទទួលស្គាល់ទៀតផង។
គួរំលឹកថាស្ត្រីម្នាក់ឈ្មោះអេងវណ្ណាក៏ធ្លាប់រងគ្រោះដោយសារលោកមឿងឃុននិងលោកឃៀងយិងប្រើល្បិចបីស្នៀតខាងលើដើម្បីរំលោភយកដីអ្នកស្រីថ្មីៗឆ្នាំ២០២១នេះស្តិតនៅភូមិជីត្រេះឃុំអណ្តូងទឹកដោយអ្នកស្រីមានទំនាស់ដីជាមួយជំទាវឈ្មោះម៉ាងម៉ាយូដាទំហំក្បាលដី២៥×២០០ម៉ែត្រដោយលោកមឿងឃុនចេញមុខជំទាស់មិនអោយអ្នកស្រីអេងវណ្ណាធ្វើប្លង់ដីទំហំ៧៥×២០០ផ្សេងទៀតដីក្រៅទនាស់ឡើយនិងបង្ខំអ្នកស្រីប្រគល់ដី២៥×២០០ម៉ែត្រទៅអោយឈ្មោះម៉ាងម៉ាយូដាសិនទើបគេស៊ីញ៉េអោយតែខាងអ្នកស្រីមិនយល់ព្រម។
ជុំវិញការចោទប្រកាន់រឿងលួចលក់ដីសាលាមត្តេយ្យសហគមន៍ខាងលើក្រុមងារការយើងមិនអាចសុំការបំភ្លឺពីលោកចាន់់សំណាង(ហៅគ្រូបុង)ជាគ្រូបង្រៀនបានឡើយនៅព្រឹកថ្ងៃទី១២ខែកញ្ញាឆ្នាំ២០២១នេះដោយទូរស័ព្ទខលជាច្រើនដងមិនអាចទាក់ទងបាន។
ចំណែកលោកមឿងឃុនមេភូមិជីត្រេះថាកុំជឿពលរដ្ឋពលរដ្ឋនោះមានប្លង់សាលាកាន់រឺអត់មិចបានជាដឹងថាដីសាលាមានចំនួនប៉ុន្មាននោះរឿងរំកិលរបងសាលានោះខាងជំនាញគេវាស់សិនឃើញប៉ុណ្ណាគឺដីប៉ុណ្ណឹងហើយ។
រឺឯលោកឃៀងយិងមេឃុំអណ្តូងទឹកបានឆ្លើយទាំងកំហឹងតាមទូរស័ព្ទថាដីនៅដ៏ដែលទេហើយថាលោកគ្មានពេលនិយាយជាមួយឡើយ។
ដោយឡែកលោកក្រូចបូរីសីហាអភិបាលរងស្រុកបទុមសាគរទទួលបន្ទុកដីធ្លីបានថ្លែងថារឿងនេះលោកអត់បានដឹងទេព្រោះលោកទើបតែមកកាន់តំណែងទើបបានពីរឆ្នាំប៉ុណ្ណោះតែលោកថាចាំហៅមកសួរនាំសិន៕
