(ខេត្តកំពត) ៖ មានសេចក្តីរាយការមកថាដីព្រៃភ្នំដង្កូវដែលជាដីគម្របព្រៃឈើចាប់ពីជើងភ្នំរហូដល់ខ្នងភ្នំដែលស្ថិតនៅភូមិល្អាងនិងភូមិដំណាក់អំពិលឃុំល្អាងស្រុកដងទង់ខេត្តកំពតត្រូវបានគេទិញលក់និងឈូកឆាយកាប់ឆ្ការព្រៃយ៉ាងអនាធិបតេយ្យនៅក្នុងតំបន់ហាមឃាត់មួយនេះ។នៅក្នុងនោះក៏មានឈ្មោះលោកអនុសេនីយ៍ឯកជាចន្ទ្រា(ហៅចក់)មានតួនាទីជានាយប៉ុស្តិ៍នគនរបាលរដ្ឋបាលឃុំល្អាងបានប្រើអំណាចឈរចាំកាងមិនអោយពលរដ្ឋផ្សេងទៀតកាប់ឆ្ការព្រៃទន្ទ្រានយកដីភ្នំខាងលើបានឡើយដោយលោកស័ក្ត៣រូបនេះទុកសម្រាបបក្សពួកនិងខ្លួនលោកផ្ទាល់តែម្តងប្រៀបដូចជាឆ្មាកាងត្រីអាំងអញ្ចឹងដែរ។
សេចក្តីរាយការណ៍ដ៏ដែលនោះបានបញ្ចេញឃ្លីបវីដេអូអំពីសកម្មភាពក្រុមនិងគូកនលោកជាចន្ទ្រា(ហៅចក់)ដែលបានយកត្រាតទ័រឈូសឆាយព្រៃដីភ្នំដង្កូវកាលពីថ្ងៃទី៤ខែតុលាឆ្នាំ២០២១កន្លងទៅថ្មីៗនេះយ៉ាងគឃ្លើនដោយមិនមានមន្ត្រីជំនាញរដ្ឋបាលព្រៃឈើណាចេញមុខបង្ក្រាបឡើយ។ប្រភពនោះបន្តថាដីភ្នំដង្កូវគ្រប់គ្រងដោយរដ្ឋនៅចាប់ពីជើងភ្នំរហូតដល់ខ្នងភ្នំដង្កូវចំនួនប្រមាណជា១០ហិចតាស្ថិតនៅភូមិល្អាងនិងភូមិដំណាក់អំពិលឃុំល្អាងស្រុកដងទង់ត្រូវបានលោកជាចន្ទ្រា(ហៅចក់)បញ្ជាអោយបក្សពួករបស់ខ្លួនទៅកាត់អារព្រៃឈើបន្ទាប់មកយកទ្រាក់ទ័រឈូកឆាយសំអាតព្រៃដើម្បីទន្ទ្រានយកដីភ្នំមកធ្វើជាកម្មសិទ្ធខ្លួនផ្ទាល់ខ្លួនដោយមិនខ្លាចច្បាប់អ្វីសោះឡើយ។
ប្រភពច្បាស់ការមួយបានបង្ហើបថាលោកជាចន្ទ្រា(ហៅចក់)គឺជាមនុស្សកំពូលល្បិចច្រើនដោយគេអោយបុរសម្នាក់ទៀតឈ្មោះហិនស្តើងជាអ្នកដើរតួធ្វើជាម្ចាស់ដីនិងជួលកម្មករកាត់អារព្រៃដីភ្នំខាងលើក្នុង១ហិចតាតម្លៃចន្លោះពី៩០០០០០៛ដល់១២០០០០០៛និងយកត្រាក់ទ័រឈូកឆាយសំអាតតាមក្រោយដោយលោកជាចន្ទ្រាជាអ្នកកាងពីក្រោយនិងចាប់ចងគំរាមពលរដ្ឋផ្សេងទៀតកុំអោយចូលទៅកាប់អារព្រៃយកដីក្នុងតំបន់ហាមឃាត់មួយនេះ។
គួរំលឹកថាកាលពីថ្ងៃទី២០ខែសីហាឆ្នាំ២០២១កន្លងទៅបុរសម្នាក់ឈ្មោះហមវណ្ណះរស់ភូមិដំណាក់អំពិលឃុំល្អាងស្រុកដងទង់ត្រូវបានចាប់ខ្លួនបញ្ជូនដាក់ពន្ធនាគារពីសំណាក់ខ័ណ្ឌរដ្ឋបាលព្រៃឈើខេត្តកំពតនិងមានការចូលរួមពីនាយប៉ុស្តិ៍នគរបាលឃុំល្អាងផងដែរដោយចោទថាបុរសខាងលើរុករានទន្ទ្រានដីរដ្ឋដោយខុសច្បាប់។
ជុំវិញការចោទប្រកាន់ខាងលើ លោកអនុសេនីយ៍ឯកជាចន្ទ្រា(ហៅចក់)នាយប៉ុស្តិ៍នគរបាលរដ្ឋបាលឃុំល្អាងបានអោយអង្គភាពសារព័ត៌មានម្លប់សន្តិភាយើងដឹងតាមទូរស័ព្ទនៅរសៀលថ្ងៃទី១៩ខែតុលាឆ្នាំ២០២១នេះថាលោកមិនមានដីនៅក្នុងតំបន់ខាងលើឡើយហើយការចោទប្រកាន់នោះមិនមែនជាពិតទេហើយចំពោះពលរដ្ឋដែលគេឃាត់ខ្លួននាពេលកន្លងទៅនោះគឺខាងជំនាញរដ្ឋបាលព្រៃគេជាអ្នកចាប់រីឯរូបលោកទៅគ្រាន់តែអមដំណើគេប៉ុណ្ណោះ ៕
