អនុសាសន៍ណែនាំរបស់ប្រមុខរាជរដ្ឋាភិបាល សម្តេចតេជោ និងថ្នាក់ដឹកនាំរាជរដ្ឋាភិបាលកម្ពុជា ក៏ដូជាតាមបទបញ្ជារបស់អគ្គបញ្ជាការនៃកងយោធពលខេមរភូមិន្ទ កងពលតូចថ្មើរជើងលេខ៤១ ក្រោយការដឹកនាំរបស់ឯកឧត្ដម ឧត្ដមសេនីយ៍ទោ នាង ឃីម បានចាត់តាំងអោយការិយាល័យសុខាភិបាលកងពល ដឹកនាំដោយលោកវរសេនីយ៍ឯក ស៊ឹម សុផាត មេបញ្ជាការរងកងពលតូចថ្មើរជើងលេខ៤១ បានធ្វើការផ្សព្វផ្សាយបទបញ្ជាដល់យោធិន អោយចូលរួមបង្ការ ការពារ និងទប់ស្កាត់ការរីករាលដាលនៃជំងឺកូវី-១៩។
ក្នុងនោះដែរ លោកវរសេនីយ៍ទោ ឌុច វឌ្ឍនា នាយការិយាល័យសុខាភិបាល កងពលតូចថ្មើរជើងលេខ៤១ រួចជាមួយនាយទាហានប្រចាំការ បានធ្វើការត្រួតពិនិត្យ និងវាស់កំដៅដល់កងទ័ព ចែកម៉ាស់ ចែកអាកុល និងវាស់កំដៅរកមេរោគកូវីដ-១៩ ដល់កងទ័ព តាមបទបញ្ជារបស់ថ្នាក់ ដែលនឹងចាប់ផ្តើមធ្វើការត្រួតពិនិត្យជាប្រចាំ នារសៀលថ្ងៃទី១ ខែធ្នូ ឆ្នាំ២០២០នេះ។
លោកវរសេនីយ៍ឯក ស៊ឹម សុផាត មេបញ្ជាការរង កងពល បានថ្លែងអោយកងទ័ពត្រូវមានការប្រុងប្រយ័ត្ន ចំពោះជំងឺកូវីដ-១៩ ត្រូវបង្កើនការយកចិត្តទុកដាក់ការការពារសុខភាពផ្ទាល់ខ្លួន និងក្រុមគ្រួសារតាមរយៈការពាក់ម៉ាស និងដុសលាងសម្អាតដៃជាមួយសាប៊ូ, ចែល, ឬទឹកអាល់កុល និងអនាម័យអោយបានត្រឹមត្រូវតាមការណែនាំរបស់ក្រសួងសុខាភិបាល ដើម្បីទប់ស្កាត់ការឆ្លងរីករាលដាល ពីមនុស្សម្នាក់ទៅមនុស្សម្នាក់ និងពីសហគមន៍មួយទៅសហគមន៍មួយ។
ក្នុងលោកវរសេនីយ៍ឯក ក៏បានធ្វើការផ្សព្វផ្សាយនូវអនុសាសន៍ណែនាំរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ការអំពាវនាវក្រសួងសុខាភិបាល និងស្ថាប័នរាជរដ្ឋាភិបាល។ ក៏ដូចជាបទបញ្ជារបស់អគ្គមេបញ្ជាការនៃកងយោធពលខេមរភូមិន្ទ នាយឧត្តមសេនីយ៍ វង្ស ពិសេន បានស្នើរដល់ស្ថាប័នកងទ័ពក្រោមចំណុះអគ្គបញ្ជាការនៃកងយោធពលខេមរៈភូមិន្ទ អោយចូលរួម បង្ការ ការពារ និងទប់ស្កាត់នៃការរីករាលដាលជំងឺកូវីដ-១៩ ក្នុងដំណាក់កាលនៃព្រឹត្តិការណ៍<សហគមន៍២៨វិច្ឆិកា> ត្រូវអនុវត្តន៍នូវវិធានការចំនួន ៥ចំណុចដូចជា៖
១- យោធិននៃកងឯកភាព និងស្ថាប័នចំណុះអគ្គបញ្ជាការដ្ឋានទាំងអស់ ដែលមិនមានការចាំបាច់ត្រូវអនុញ្ញាតអោយធ្វើការនៅផ្ទះ។
២- ទីតាំងឈរជើងកងទ័ព និងសាលា ត្រូវគ្រប់គ្រងកម្លាំងអោយបានល្អ និងអនុវត្តន៍អោយខ្ជាប់ខ្ជួននូវវិធានការការជំងឺកូវីដ-១៩ ដូចជាការវាស់កំដៅនៅគ្រប់ច្រកចេញចូលអង្គភាព បាញ់ថ្នាំសម្លាប់មេរោគ នៅក្នុងបន្ទាយ បន្ទប់ប្រជុំ ឬបន្ទប់ធ្វើការ ត្រូវពាក់ម៉ាស់ លាងសំអាតដៃនឹងអាកុល ឬសាប៊ូ ចែល ជាប្រចាំ រក្សាគម្លាតសុវត្ថិភាពសង្គម និងផ្អាកការប្រមូលផ្តុំដែលមិនចាំបាច់។
៣-យោធិនដែលពាក់ព័ន្ធនឹងព្រឹត្តិការណ៍ <សគមន៍២៨វិច្ឆិកា> ត្រូវយកសំណាកទៅពិនិត្យ និងធ្វើចត្តាឡីស័ក្កអោយបានម៉ើងម៉ាត់បំផុត ក្នុងករណីយោធិនមិនធ្វើចត្តាឡីស័ក្កអោយបានត្រឹមត្រូវ នឹងត្រូវអនុវត្តន៍បទវិន័យទូទៅរបស់កងយោធពលខេមរភូមិន្ទ។
៤-គ្រប់កងឯកភាព និងស្ថាប័នចំណុះអគ្គបញ្ជាការដ្ឋាន ត្រូវត្រៀមកម្លាំង ទាំងកម្លាំងជំនាញ និងកម្លាំងអន្តរាគមន៍ ដើម្បីត្រៀមលក្ខណៈ ក្នុងករណីមានបទបញ្ជា។
៥-ក្រុមការងាររាជរដ្ឋាភិបាលចុះជួយមូលដ្ឋាន ត្រូវអប់រំផ្សព្វផ្សាយដល់ប្រជាប្រជាពលរដ្ឋ អ្នកចំណាក់ស្រុក អនុវត្តន៍អោយបានម៉ើងម៉ាត់ចំពោះការធ្វើចត្តាឡីស័ក្ក និងរួមគ្នាពង្រឹងវិធានការការពារជំងឺកូវីដ-១៩ តាមការដឹកនាំរបស់រាជរដ្ឋាភិបាល និងការអំពាវនាវរបស់ក្រសួងសុខាភិបាល ។
