(ខេត្តកំពត) ៖ ពលរដ្ឋទូរទាំងប្រទេសរងចាំអ៊ុតមើលតើលោកអនុសេនីយ៍ឯកជាចន្ទ្រា(ហៅចក់)នាយប៉ុស្តិ៍នគរបាលរដ្ឋបាលឃុំល្អាងហ៊ានកាប់ឆ្ការព្រៃដីភ្នំដង្កូវគ្រប់គ្រងដោយរដ្ឋមកធ្វើជាកម្មសិទ្ធបុគ្គលយ៉ាងអនាធិបតេយ្យដែលស្ថិតនៅភូមិល្អាងនិងភូមិដំណាក់អំពិលឃុំល្អាងស្រុកដងទង់ខេត្តកំពតនោះតើមានវាសនាយ៉ាងណា? ក្រោយពីសម្តេចអគ្គមហាសេនាបតីតេជោហ៊ុនសែននាយករដ្ឋមន្ត្រីនៃព្រះរាជាណាចក្រកម្ពុជាធ្លាប់លើកឡើងធ្ងន់ៗក្នុងកិច្ចប្រជុំគណៈរដ្ឋមន្ត្រី(រឿងដីធ្លីត្រូវតែជំរៈម្តងពេលនេះជាពេលដែលត្រូវវះកាត់) ហើយសម្តេចតេជោបានថ្លែងក្នុងកិច្ចប្រជុំគណះរដ្ឋមន្ត្រីកាលពីថ្ងៃទី៣ខែកក្កដាឆ្នាំ២០២០នាពេលកន្លងទៅនេះថាចំពោះបុគ្គលដែលមានតួនាទីជាមន្ត្រីតែបែជាមានគំនិតអាក្រក់ឃុតឃិតគ្នារំលោភយកដីរដ្ឋនិងរកល្បិចផ្សេងៗដើម្បីគម្រាមគំហែងពលរដ្ឋដើម្បីយកដីមកកាន់កាប់ខ្លួនឯងនោះគឺមិនលើកលេងជាដាច់ខាតគេត្រូវទទួលទោសនិងបណ្តេញចេញពីបក្សតែម្តង។ ចំពោះប័ណ្ណកម្មសិទ្ធិដោយការធ្វើឡើងរួមគំនិតគ្នាខុសច្បាប់ក៏ត្រូវរំលាយចោលដែរ។
គូសបញ្ជាក់ថាកាលពីថ្ងៃទី៤ខែតុលាឆ្នាំ២០២១កន្លងទៅថ្មីៗនេះលោកជាចន្ទ្រា(ហៅចក់)បានបញ្ជាបក្សពួកខ្លួនដោយអោយឈ្មោះហិនស្តើងដើរតួជាម្ចាស់ដីយកត្រាក់ទ័រទៅឈូសឆាយព្រៃដើម្បីយកដីរដ្ឋទាំងមិនញញើតច្បាប់នៅចំណុចចង្កេះភ្នំដង្កូវស្ថិតភូមិល្អាងឃុំល្អាងស្រុកដងទង់តែសកម្មភាពនេះត្រូវបានពលរដ្ធរស់ក្នុងតំបន់នោះទៅប្រទះឃើញនិងថតរូបភាពបានផងដែរ។
បើតាមសេចក្តីរាយការណ៍ពីពលរដ្ឋដែលរស់នៅភូមិឃុំខាងលើអោយដឹងថាដីព្រៃភ្នំដង្កូវចាប់ពីជើងភ្នំរហូតដល់ខ្នងភ្នំបច្ចុប្បន្នត្រូវបានអ្នកមានអំណាចមានលុយចួលកម្មករកាប់ឆ្ការឈូកឆាយព្រៃយកដីយ៉ាងពេញបន្ទុកដោយមិនមានអាជ្ញាធររឺមន្ត្រីជំនាញណាចុះទប់ស្កាត់និងបង្ក្រាបឡើយជាពិសេសលោកជួនសារ៉ានាយខ័ណ្ឌរដ្ឋបាលព្រៃឈើខេត្តកំពតតែម្តងហាក់ជាធ្វើមិនដឹងធ្វើមិនឰចំពោះសកកម្មភាពកាប់ឆ្ការទិញលក់ដីព្រៃចំពោះក្រុមអ្នកមានលុយនិងមានអំណាចទាំងនោះឡើយ។តែបើពលរដ្ឋតូចតាចវិញបើហ៊ានបំពានដីព្រៃខាងលើគឺលោកនាយខ័ណ្ឌរូបនេះនិងក៏សាងសំណុំរឿងចាប់ញាត់គុកតែម្តង។
ជាក់ស្តែងកាលពីថ្ងៃទី២០ខែសីហាឆ្នាំ២០២១កន្លងទៅពលរដ្ឋម្នាក់ឈ្មោះហមវណ្ណៈរស់នៅភូមិឃុំខាងលើត្រូវចាប់ខ្លួនបញ្ជូនទៅតុលាការពីសំណាក់ខ័ណ្ឌរដ្ឋបាលព្រៃឈើខេត្តកំពតសហការជាមួយលោកជាចន្ទ្រា(ហៅចក់)ដើម្បីដាក់ពន្ធនាគារដោយចោទពីបទទន្ទ្រានដីព្រៃដោយខុសច្បាប់។
ប្រភពបន្តថាការអនុវត្តច្បាប់របស់លោកមេព្រៃមានស្តង់ដា២ខុសគ្នារវាងអ្នកមានលុយមានអំណាចនិងពលរដ្ឋក្រីក្រគ្មានខ្នងបង្អែកដូចជាពលរដ្ឋឈ្មោះហមវណ្ណៈអញ្ចឹងត្រូវគេចាប់ញាត់គុកដែលមានវាសនាខុសគ្នាផ្ទុយស្រឡះពីលោកអនុសេនីឯកជាចន្ទ្រា(ហៅចក់)មេប៉ុស្តិ៍នគរបាលរដ្ឋបាលឃុំល្អាងដែលបានទន្ទ្រានកាប់ឆ្ការដីព្រៃភ្នំដង្កូវចំនួនជិត១០ហិចតាមកធ្វើជាកម្មសិទ្ធបុគ្គលចំណុចភូមិល្អាងនិងភូមិដំណាក់អំពិលនោះតែមកដល់បច្ចុប្បន្នលោកមេប៉ុស្តិ៍ខាងលើនៅមិនទាន់ត្រូវបានលោកមេព្រៃជួនសារ៉ាចាត់ការតាមផ្លូវច្បាប់ដូចពលរដ្ឋដែលគេចាត់ទុកថាជាមនុស្សកំបុិចកំប៉ុកអង្កកំប៉ុងផ្សេងទៀតនៅឡើយទេនៅថ្ងៃទី២៣ខែតុលាឆ្នាំ២០២១នេះ។
គេមិនទាន់ដឹងថាតើលោកឧត្តមសេនីយ៍ទោម៉ៅច័ន្ទមធុរិទ្ធស្នងការនគរបាលខេត្តកំពតបានដឹងរឿងរ៉ាវលោកអនុសេនីយ៍ឯកជាចន្ទ្រា(ហៅចក់)ជាមន្ត្រីក្រោមឱវាទដែលយកអំណាចនគរបាលទៅប្រព្រឹត្តបទល្មើសធនធានធម្មជាតិធ្វើអោយប៉ះពាល់ដល់អង្គភាពដែររឺយ៉ាងណានោះទេបានជានៅសង្ងំស្ងៀមឈឹងយ៉ាងដូចច្នេះ។ បើទោះបីជាកន្លងមកគេល្បីថាលោកជាចន្ទ្រា(ហៅចក់)តែម្នាក់ឯងបានតើតួនាទីយ៉ាងសំខាន់រហូតដល់ទៅពីរឯណុៈទី១ដេីរតួរជាអ្នកបង្ក្រាប់បទល្មើសធនធានធម្មជាតិនិងទី២ដេីរតួរជាអ្នកទៅប្រព្រឹត្តបទល្មើសធនធានធម្មជាតិខ្លួនឯងផង(ពោលគឺដៃម្ខាងចាប់ដៃម្ខាងទៀតប្រព្រឹត្តល្មើស។
តែទោះបីយ៉ាងនេះក្តីលោកអនុសេនីយ៍ឯកជាចន្ទ្រា(ហៅចក់)ធ្លាប់បដិសេធថាលោកមិនមានដីនៅទីតាំងខាងលើទេនិងមិនបានប្រព្រឹត្តកំហុសឆ្គងដូចការចោទឡើយ។
ចំណែកលោកជួនសារ៉ានាយខ័ណ្ឌរដ្ឋបាលព្រៃឈើខេត្តកំពតអង្គភាពសារព័ត៌មានម្លប់សន្តិភាពយើងមិនអាចសុំការបំភ្លឺបានទេនៅរសៀលថ្ងៃទី២៣ខែតុលាឆ្នាំ២០២១នេះដោយទូរស័ព្ទខលចូលមិនមានអ្នកទទួល៕
