កែប÷ នារសៀលថ្ងៃទី០៣ ខែវិច្ឆិកា ឆ្នាំ២០២១ លោកឧកញ៉ា សំ សុខនឿន ប្រធានសមាគមអចលនទ្រព្យសកល GRA និងសហការីបាននាំយកសម្ភារៈប្រឆាំងនិងកូវីដ-19 ទៅប្រគល់ជូនអភិបាលខេត្តកែប ដើម្បីរួមចំណែកជាមួយរាជរដ្ឋាភិបាល ក្នុងការប្រយុទ្ធប្រឆាំងនឹងជំងឺកូវីដ-19 ដែលបាននិងកំពុងរីករាលដាលនៅក្នុងប្រទេសកម្ពុជា ។ ប្រធានសមាគមអចលនទ្រព្យសកល GRA លោកឧកញ៉ា សំ សុខនឿន បានអោយដឹងថា៖ អំណោយដែលបានយកមកប្រគល់ជូនឯកឧត្តមអភិបាលខេត្តកែបនាពេលនេះរួមមាន៖ ម៉ាស់50,000ម៉ាស់, ទឹកសម្លាប់មេរោគ50កាន, បំពង់សម្លាប់មេរោគ100ដប ទឹកសុទ្ធ100កេស និងថវិកា10លានរៀល ។
មានមតិសំណេះសំណាលជាមួយលោកឧកញ៉ា សំ សុខនឿន និងសហការីនាឱកាសនោះ ឯកឧត្តម សោម ពិសិដ្ឋ អភិបាលខេត្តកែប បានថ្លែងអំណរគុណដល់សមាគមអចលនទ្រព្យសកល GRA ដែលមានលោកឧកញ៉ា សំ សុខនឿន ជាប្រធាន និងសហការីទាំងអស់បានចំណាយពេលវេលាដ៏មានតម្លៃនាំយកសម្ភារៈទាំងអស់នេះមកប្រគល់ជូនរដ្ឋបាលខេត្ត ដើម្បីប្រើប្រាស់ទៅតាមសភាពជាក់ស្តែង ពិសេសពលរដ្ឋដែលមានការខ្វះខាតខ្លាំង និងមិនអាចមានលទ្ធភាពទិញសម្ភាសរៈយកទៅប្រើប្រាស់ជាមធ្យោបាយសម្រាប់ប្រើប្រាស់ប្រឆាំងនិងជំងឺកូវីដ-19។ ឯកឧត្តមបន្តថា : ពិតជាកោតសរសើរនូវទឹកចិត្តដ៏ប្រពៃនេះ ដែលធនធានល្អមួយក្នុងសង្គម ចែះជួយគ្នាក្នុងគ្រាលំបាក និងមកអភិវឌ្ឍគម្រោងមួយចំនួនក្នុងទឹកដីនៃខេត្តកែប ដើម្បីអាចស្រូបទាញភ្ញើវទេសចរណ៍មកលេងខេត្តកែបបានកាន់តែច្រើន ។
ស្របគ្នាជាមួយនិងការបើកប្រទេសឡើងវិញផងនោះឯកឧត្តម អភិបាលខេត្តកែប សូមជូនពរលោកឧកញ៉ា និងសហការីទាំងអស់ សម្រេចដូចបំណង និងសហកាជាមួយរដ្ឋបាលខេត្តកែបជាបន្តទៀត ដើម្បីអោយសង្គមមានការរីកចម្រើនទោមុខជាលំដាប់។
