បន្ទាប់ពីសារព័ត៌មាន ម្លប់សន្តិភាពយើងខ្ញុំ បានផ្សព្វផ្សាយដំណឹងពីការតវ៉ារបស់ប្រជាពលរដ្ឋមួយក្រុមដែលលើកឡើងចំពោះដីតំបន់ចំណុចភ្នំឆ្ងាវដែលស្ថិតនៅភូមិព្រែកអំពិល សង្កាត់កោះតូច ក្រុងបូកគោខេត្តកំពត ដែលជាការដ្ឋានសាងសង់មូលដ្ឋានផ្នែកសឹករងក្រុងបូកគោ ដែលចំណុះអោយតំបន់,ប្រតិបត្តិសឹករងខេត្តកំពតនោះស្ថាប័នអង្គភាពនិងថ្នាក់ដឹកនាំពាក់ព័ន្ធបានប្រតិកម្មក្នុងការចុះផ្សាយរបស់សារព័ត៌មានយើងខ្ញុំ ហើយក៏បានស្នើសុំឲ្យសារព័ត៌មានម្លប់សន្តិភាពយើងខ្ញុំ ស្រាវជ្រាវរកពត៌មានពិត ដើម្បីផ្សព្វផ្សាយឡើងវិញ ហើយភាគីពាក់ព័ន្ធក៍បានបង្ហាញឯកសារព្រមទាំងផ្តល់បទសម្ភាសជាក់លាក់ច្បាស់លាស់និងមានការទទួលខុសត្រូវខ្ពស់លើភារកិច្ចព្រមទាំងទទួលខុសត្រូវតាមឋានុក្រម។
បន្ថែមពីលើនេះសារពត៌មានម្លប់សន្តិភាពក៍ទទួលបាននូវសេចក្តីស្នើសុំឲ្យចុះផ្សាយបំភ្លឺឲ្យច្បាស់ឡើងវិញពីមេបញ្ជាការតំបន់ប្រតិបត្តិសឹករងខេត្តកំពត នូវការចុះផ្សាយនាថ្ងៃទី៣០ ខែតុលាឆ្នាំ២០២១ក្រោមចំណងជើងថា៖ លោកហុក ចិន្តា មេបញ្ជាការតំបន់ប្រតិការសឹករងកំពត ត្រូវបានពលរដ្ឋចោទថា បានកាងដីអោយក្រុមហ៊ុនកំពតផត និងដាក់កម្លាំងយោធាការពារក្រុមហ៊ុនដែលកំពុងឈួសឆាយដីពលរដ្ឋជាង៥០គ្រួសារ»។
បន្ទាប់ពីមានការស្នើសុំភ្លាមអង្គភាពសារព័ត៌មានម្លប់សន្តិភាពយើងខ្ញុំ កាលពីថ្ងៃទី០៥ ខែវិច្ឆិការ ឆ្នាំ២០២១ បានចុះដល់ទីតាំងសាជាថ្មីឡើងវិញព្រមទាំងបានជួបសម្ភាសពន្យល់បកស្រាយពីមេបញ្ជាការផ្នែកសឹករងក្រុងកំពតផងដែរ។
ជាមួយគ្នានេះផងដែរ លោកឧត្តមសេនីយ៍ត្រីហុក ចិន្តា មេបញ្ជាការតំបន់ប្រតិបត្តិសឹករងខេត្តកំពតព្រមទាំងតំណាងលោកស្រីអភិបាលក្រុងបូកគោដើម្បីស្វែងរកពត៌មានពិតពិស្តានិងមានឯកសារគ្រប់គ្រាន់ អោយសារព៏ត៌មានយើងខ្ញុំធ្វើការបំភ្លឺឡើងវិញ។
បន្ថែមពីលើនេះសារពត៌មានជីវិតនិងកីឡាបានទទួលឯកសារភ័ស្តុតាងមួយចំនួន ច្បាស់លាស់ពីអគ្គមេបញ្ជាការ ដែលជាមូលដ្ឋានរឹងមាំថាថា៖ប្រវត្តិដីតំបន់នេះមិនមែនប្រជាពលរដ្ឋណាមកកាន់កាប់ឬអាស្រ័ផលដូចការអះអាងរបស់ប្រជាពលរដ្ឋមួយចំនួនបានអះអាងនោះឡើយ។
