(ខេត្តកំពត) នៅព្រឹកថ្ងៃទី៧ ខែធ្នូ ឆ្នាំ២០២១នេះ លោក សេង សិរីបុត្រ អភិបាលរងខេត្តកំពតបានដឹកនាំក្រុមការងារចុះទៅកន្លែងទំនាស់បិទផ្លូវ រវាងពលរដ្ឋពីគ្រួសារស្ថិតនៅភូមិព្រៃចេក ឃុំទូកមាសខាងលិច ស្រុកបន្ទាយមាស ខេត្តកំពត ដើម្បីសម្រប់សម្រួលបញ្ចប់រឿងក្រៅប្រព័ន្ធតុលាការដោយមានការចង្អុលបង្ហាញពីឯកឧត្តមម៉ៅធនិនអភិបាលខេត្តកំពតជាលទ្ធផលទទួលបានជោគជ័យ ។ ដោយភាគីវិវាទម្ខាងទៀតយល់ព្រមដោះដូរផ្លូវថ្មីអោយគូទំនាស់ឈ្មោះហោអាន(ហៅយាយណយ)មានផ្លូវចេញចូលផ្ទះធម្មតាវិញ ។
ក្រោយបញ្ចប់រឿងឈ្មោះហោអាន (ហៅយាយណយ) បានសម្តែងការពេញចិត្តនិងសូមថ្លែងអំណរគុណដល់ឯកឧត្តមម៉ៅធនិនអភិបាលខេត្តកំពតផងដែរព្រោះថាកន្លងមករឿងទំនាស់បិតផ្លូវខាងលើនេះកើតមានឡើងរ៉ាំរ៉ៃយូរឆ្នាំមកហើយ តែគ្មានដំណោះស្រាយឡើយ តែពេលនេះអស់បញ្ហាហើយដោយុទ្ធសាស្ត្រឈ្នះឈ្នះរបស់ឯកឧត្តមចៅហ្វាយខេត្តកំពតថ្មីរូបនេះ ៕
