(ខេត្តឧត្តមានជ័យ) ៖ បន្ទាប់ពីមានចុះផ្សាយពីបណ្តាញសារព័ត៌មានអំពីឈ្មួញដីឈ្មោះបញ្ញារស់ខេត្តសៀមរាបនិងមេខ្យល់ឈ្មោះលន់តុងលេងបានប្រម៉ូលទិញអាងទឹកទំនប់ថ្មីសម្បត្តិរដ្ឋសាធារណះក្រោមរូបភាពទិញដីពលរដ្ឋអាស្រ័យផលជាក់ស្តែងដែលស្ថិតនៅចំណុចលាវស្រាតភូមិតាដេវឃុំត្រពាំងតាវស្រុកអន្លង់វែងខេត្តឧត្តរមាន។ឯកឧត្តមប៉ែនកុសល្យអភិបាលខេត្តបានបញ្ជាមន្ត្រីជំនាញក្រោមការដឹកនាំលោកញើនគួនប្រធានមន្ទីរធនធានទឹកខេត្តឧត្តរមានជ័យចុះទៅត្រួតពិនិត្យនិងផ្ទៀតផ្ទាត់តាមផែនទីជាលទ្ធផលនៅថ្ងៃទី១៧ខែមីនាឆ្នាំ២០២២នេះលោកប្រធានមន្ទីរបានបញ្ជាក់ថាដីដែលគេកំពុងទិញលក់នោះគឺស្ថិតនៅក្នុងអាងទឹកទំនប់ថ្មីជាសម្បត្តិរដ្ឋ(មិនមែនអាងទឹកអូរជីកទេ)ហើយលោកក៏បានជូនដំណឹងដល់អាជ្ញាធរឃុំស្រុកជួយទប់ស្កាត់និងមិនអោយមានការទិញលក់តទៅទៀតឡើយ។
ពលរដ្ឋរស់នៅស្រុកអន្លង់វែងរងចាំមើល៍ថាតើឈ្មោះបញ្ញាថៅកែទិញដីរដ្ឋនិងឈ្មោះលន់តុងលេងមេខ្យល់គៀងគរពលរដ្ឋទិញលក់ដីអាងទឹកនោះអាចគិចផុតពីសំណាញ់ច្បាប់ដែររឺទេខណះពេលពួកគេទាំងពីរនាក់ប្រហើនហ៊ានទិញដីអាងទឹករបស់រដ្ឋមកធ្វើកម្មសិទ្ធបុគ្គលផ្គើននិងច្បាប់រដ្ឋស្របពេលវិធានក្តៅសម្តេចតេជោជុំរឿងដីព្រៃលិចទឹកនៅបឹងទន្លេសាបនាពេលកន្លងទៅថ្មីៗនេះសោះដោយបានឃាត់ខ្លួនមនុស្សចំនួន៣៤ក្នុងប្រតិបត្តិការបង្ក្រាបការទន្ទ្រានដីរដ្ឋក្នុងដែលព្រៃលិចទឹកតំបន់ទន្លេសាប។ក្នុងនោះមនុស្សចំនួន៥នាក់ត្រូវបានដោះលេងវិញនេះបើយោងតាមរបាយការណ៍កិច្ចប្រជុំក្រុមការងារអន្តរក្រសួងតាមប្រព័ន្ធនិមិ្មត។
បើទោះបីយ៉ាងនេះក្តីឈ្មោះបញ្ញានិងឈ្មោះលន់តុងលេងមិនទាន់ត្រូវអាជ្ញាធរចាត់ការតាមផ្លូវច្បាប់នៅឡើយទេនៅព្រឹកថ្ងៃទី១៩ខែមីនាឆ្នាំ២០២២នេះជុំវិញករណីប្រម៉ូលទិញដីអាងទឹកទំបន់ថ្មីបែបអនាធិបតេយ្យលើផ្ទៃដីទិញបានចំនួនជាងសែសិបហិចតា(ជាង៤០ហិចតា)ក្នុងទឹកដីស្រុកអន្លង់វែងមួយនេះ៕
